Prynamsi 103 pasažyry zahinuli, paśla taho jak na race Brachmaputra na paŭnočnym uschodzie Indyi paciarpieŭ krušeńnie parom.
Na pierapoŭnienym sudnie mahli znachodzicca nie mienš za 300 čałaviek. Pieršapačatkova paviedamlałasia, što na dvuchpaviarchovym paromie, što płyŭ pa race ŭ indyjskim štacie Asam, znachodziłasia 200-250 čałaviek, paźniej hetaja ličba była skarektavana.
Na ciapierašni momant jašče 100 čałaviek ličacca źnikłymi bieź viestak,bolš za 100 pasažyraŭ ŭdałosia vyratavać.
Pradstaŭniki palicyi zajavili, što incydent adbyŭsia ŭ addalenym rajonie Dubry padčas praliŭnoha daždžu i mocnaha vietru.
Pa ich słovach, parom raskałoŭsia na dźvie častki. Na im pieravažna byli žančyny i dzieci.