Ruch «Za svabodu» prapanuje vykazać svajo staŭleńnie da biełaruskaj nacyjanalnaj simvoliki — bieł-čyrvona-biełaha ściaha i hierba «Pahonia».
Aktyvisty Ruchu zaklikajuć nieabyjakavych ludziej nasić bieł-čyrvona-biełyja stužki, viešać ich na mašyny, na drevy.Takim čynam u čarhovuju hadavinu refierendumu 1995 hoda možna prademanstravać svaju pavahu da biełaruskaj historyi.
Uziać stužki možna na ofisach Ruchu «Za svabodu» (Minsk, pr-t Niezaležnaści, 80-73) i Partyi BNF (Minsk, vuł. Čarnyšeŭskaha, 3).
14 maja 1995 hoda adbyŭsia refierendum, na jaki vynieśli pytańni ab źmienie dziaržaŭnaj simvoliki, nadańni rasiejskaj movie statusa dziaržaŭnaj, ab padtrymcy dziejańniaŭ prezidenta na ekanamičnuju intehracyju z Rasijaj. Inicyjavaŭ refierendum Alaksandr Łukašenka.
Toj refierendum adbyŭsia ŭ atmaśfiery psichałahičnaha teroru i parušeńniaŭ svabody słova. Deputaty parłamienta byli źbityja prosta ŭ zale pasiadžeńniaŭ.
Refierendum atrymaŭ prydomak «Haniebny», bo heta byŭ adziny vypadak, kali ŭłady ŭ metach atrymańnia hrošaj ad Rasiei apuścili status nacyjanalnaj movy na karyść rasiejskaj.