Siamja Siarhieja Kavalenki zładziła pikiet u centry Viciebska — fotafakt 33

Žonka palitviaźnia Alena z maleńkaj dačkoj Vikaj i synam Valancinam zładzili 3 maja akcyju na placoŭcy la piramidy «Marka-sici» pobač z aŭtobusnym prypynkam «Płošča Svabody».

Alena z synam razharnuli płakat, na jakim vialikimi čyrvonymi litarami było napisana «Dzieciam patrebien baćka!».

Na płakacie taksama byli raźmieščany fotazdymki Siarhieja Kavalenki ź dziećmi, a nasuprać — dzietak biez baćki. Pad fota nadpis:

«Synu 7 hod patrebna baćkoŭskaje vychavańnie! Dačce 10 miesiacaŭ nieabchodna baćkoŭskaja luboŭ».

U hety čas (kala 16-j) na prypynku hramadskaha transpartu było šmat ludziej. I, jak ni dziŭna, anivodnaha supracoŭnika milicyi. Ludzi nazirali z zacikaŭlenaściu. Niekatoryja padychodzili da Aleny parazmaŭlać.

Na prypynku navat uźnikła sprečka pamiž piensijanierkami nakont taho, ci spraviadlivyja ŭ Biełarusi sudy. Niekalki maładzionaŭ zdymali akcyju na mabilnyja telefony.

Pikiet doŭžyŭsia kala 20 chvilin, paśla čaho Alena ź dziećmi syšła dadomu.

«Viciebski kurjer»

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH