Jon pavinšavaŭ ź jubilejem redakcyju i čytačoŭ haziety.
Alaksandar Łukašenka pavinšavaŭ ź jubilejem redakcyju i čytačoŭ hazety «Pravda» — koliś asnoŭnaha kamunistyčnaha ruparu SSSR, a ciapier hałoŭnaha drukavanaha orhana rasiejskich kamunistaŭ.
Siońnia jakraz 100 hadoŭ z momantu vychadu pieršaha numara hazety. U Biełarusi jašče ad savieckich časoŭ 5 traŭnia na dziaržaŭnym uzroŭni adznačajecca dzień druku.
U pryvitalnaj telehramie Łukašenka nazvaŭ «Pravdu» «lehiendarnym vydańniem», padkreśliŭšy, što na jaje staronkach zafiksavanaja «hieraičnaja historyja i žyćcio vialikaj krainy». Kiraŭnik Biełarusi vykazaŭ zadavalnieńnie, što i siońnia «Pravda» zachoŭvaje svoj vysoki ŭzrovień prafesijanalizmu, reputacyju adnaho ź viadučych rasiejskich ŚMI.
Łukašenka asabliva padkreśliŭ, što žurnalisty hazety zaŭsiody abjektyŭna i praŭdziva aśviatlajuć sučasnuju sytuacyju ŭ Biełarusi, za što kiraŭnictva krainy im udziačnaje.
Miž tym, jak kažuć rasiejskija analityki, «Pravda» užo daŭno nie hraje nijakaj roli na medyjnaj prastory Rasiei. Kali za savieckimi časami dziakujučy prymusovaj padpiscy jaje nakład pieravyšaŭ 10 miljonaŭ asobnikaŭ, to ciapier jon vahajecca ŭ miežach paŭsotni tysiač. Niekali štodzionnaja hazeta zaraz vychodzić trojčy na tydzień.
Kamientary