Źniavoleny kandydat na vybarach u prezidenty 2010 hoda Mikałaj Statkievič nie spadziajecca, što jaho vyzvalać pa amnistyi. Ab hetym jon paviedamiŭ žoncy Marynie Adamovič u telefonnaj razmovie viečaram 5 maja.
Jak paviedamiła Adamovič, Statkieviču dali dazvoł na karotkija zvanki ŭ vychadny, choć raniej u turmie paviedamlali, što jon zmoža parazmaŭlać z rodnymi tolki ŭ pracoŭny dzień. «U razmovie jon adznačyŭ, što da jaho prychodziać niejkija aptymistyčnyja paštoŭki, u jakich havorycca, što Łukašenka paabiacaŭ amnistyju da Dnia Niezaležnaści. Jon paprasiŭ usich takich paštovak nie słać, bo nie vieryć u toje, što jaho vyzvalać», — skazała Adamovič.
Akramia taho, Adamovič adznačyła, što Statkieviča bolš nie niepakojać prablemy z sercam. «Jon adznačyŭ, što ŭ miedycynskija banderoli, jakija ja jamu adpraŭlała, nie treba kłaści sardečny preparat „Pananhin“. I navat pachvaliŭsia, što niejak ich vyvieli nie ŭ zvyčajny dvoryk, a ŭ inšy, dzie jość turnik.
I jon lohka padciahnuŭsia 12 razoŭ. U škłoŭskaj kałonii da taho času, pakul nie śpiłavali turnik, jon padciahvaŭsia 15 razoŭ. Značyć, z tonusam u jaho ŭsio ŭ paradku», — skazała Adamovič.
Nahadajem, u mai 2011 hoda sud pryznaŭ Mikałaja Statkieviča vinavatym u arhanizacyi masavych biesparadkaŭ i pryhavaryŭ jaho da šaści hadoŭ pazbaŭleńnia voli ŭ kałonii ŭzmocnienaha režymu. Jon adbyvaŭ pakarańnie ŭ škłoŭskaj kałonii № 17, adnak 15 studzienia 2012 hoda byŭ pieraviedzieny ŭ mahiloŭskuju turmu № 4. Pryčynaj stała aficyjnaje pradstaŭleńnie administracyi kałonii, zhodna ź jakim asudžany palityk «nie staŭ na šlach vypraŭleńnia», «da
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary