Ab hetym zajaviŭ 7 maja žurnalistam staršy pastajanny pradstaŭnik MVF u Centralnaj i Uschodniaj Jeŭropie Mark Alen.
Mark Alen paviedamiŭ, što 4 maja adbyłosia pasiadžeńnie vykanaŭčaha savieta dyrektaraŭ MVF pa abmierkavańniu štohadovaha dakłada ŭ ramkach kansultacyj pa artykułu 4 i druhoha postprahramnaha manitorynhu. «Vykanaŭčyja dyrektary vykazali hłybokuju zadavolenaść mierami, pryniatymi Nacyjanalnym bankam, Ministerstvam finansaŭ i ŭradam pa makrastabilizacyi ŭ Biełarusi. Asnoŭnaja zaniepakojenaść była vykazana ŭ tym, kab hetyja miery nie byli asłableny ŭ bližejšy čas adnosna abo pasłableńnia
Pradstaŭnik MVF adznačyŭ, što niekatoryja dyrektary ŭźniali pytańnie ab mahčymaści novaj prahramy Biełarusi z fondam. «Byli zrobleny vysnovy, što novaja prahrama mahła by być padtrymana fondam u vypadku realizacyi hłybokich strukturnych reform. I što heta prahrama strukturnych reform pavinna być šyroka padtrymana na ŭsich uzroŭniach dziaržaŭnaj ułady», — adznačyŭ Mark Alen.
Adkazvajučy na pytańnie žurnalistaŭ, jakija mienavita reformy raić MVF pravieści Biełarusi i jakuju sumu hatovy vydzielić dla hetaha, pradstaŭnik fondu skazaŭ:
«Dačasna havaryć pra niejkija sumy na ciapierašnim etapie. Heta budzie zaležać ad patreb krainy i ad situacyi.Što datyčycca taho, jakija reformy buduć nieabchodny, to heta ŭ rukach Biełarusi. Biełarusi vyrašać, jakija nieabchodny reformy, a nie fond pavinien dyktavać krainie, jakija joj pravodzić strukturnyja reformy».
Takim čynam, ciapier pierahavory pa novaj prahramie Biełarusi z MVF nie pačalisia, udakładniŭ Mark Alen. «Umovaj dla pačatku pierahavoraŭ budzie słužyć mienavita šyrokaja padtrymka va ŭsich płastach dziaržaŭnaj ułady prahramy hłybokich strukturnych reform, — padkreśliŭ jon. — Tamu nijakaja misija pa pierahavorach na hety čas nie zapłanavana». Da kanca hoda adbudziecca vizit supracoŭnikaŭ MVF u Biełaruś, ale na ciapierašnim etapie nie płanujecca, što heta budzie misija pa pierahavorach, dadaŭ Mark Alen.
7 maja ŭ Saviecie Ministraŭ Biełarusi adbyłasia sustreča staršaha pastajannaha pradstaŭnika MVF u Centralnaj i Uschodniaj Jeŭropie Marka Alena z
