Hałoŭny trenier chakiejnaj zbornaj Biełarusi Kary Chiejkila čakaje prybyćcia ŭ kamandu hulcoŭ NCHŁ Andreja i Siarhieja Kaścicynych ranicaj 11 maja.
«Asabista ja nie razmaŭlaŭ z bratami ŭ apošnija dni, ale ź imi na suviazi znachodziŭsia naš hienieralny mieniedžar Uładzimir Safonaŭ. My čakajem, što Kaścicyny dałučacca da kamandy ranicaj 11 maja. Upeŭnieny, što jany dapamohuć zbornaj. Heta hulcy, jakija vystupajuć na samym vysokim uzroŭni i jany, biezumoŭna, buduć nam karysnyja», — adznačyŭ Chiejkila.
Jon taksama padkreśliŭ, što paśla pieršaj pieramohi biełarusaŭ u matčy čempijanatu śvietu (nad Kazachstanam — 3:2), kamandzie «stała praściej dychać». «Trochi spaŭ nacisk, jaki my adčuvali paśla dvuch paražeńniaŭ na starcie turniru. Zaraz hulcy trochi rassłabilisia i, dumaju, heta stanoŭča adabjecca na našaj nastupnaj hulni», — skazaŭ Chiejkila.
Čarhovy matč čempijanatu śvietu zbornaja Biełarusi praviadzie siońnia, 10 maja suprać amierykancaŭ (pačatak u 16.15).Pavodle słoŭ Chiejkila, jon jašče nie vyznačyŭsia z hałkipieram na hetuju sustreču, adnak adznačyŭ, što Vital Koval, jaki atrymaŭ nievialikaje paškodžańnie, ciapier adčuvaje siabie narmalna i hatovy hulać.
Nahadajem, na čempijanacie śvietu zbornaja Biełarusi da pieramohi nad Kazachstanam paciarpieła dva paražeńni: 0:1 — ad finaŭ i 2:3 — ad šviejcarcaŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary