Pradstaŭnik ABSIE zaklikała Łukašenku spynić pieraśled niezaležnych ŚMI
Pradstaŭnik ABSIE pa pytańniach svabody ŚMI Duńja Mijatavič zaklikała Alaksandra Łukašenku spynić nacisk i pieraśled biełaruskich niezaležnych ŚMI. Pra heta paviedamlajepres-słužba ABSIE.
«Prezident Łukašenka pavinien spynić nadzvyčaj rezkuju palityku Biełarusi ŭ dačynieńni da ŚMI. Isnuje vostraja nieabchodnaść svabody dla ŚMI ŭ Biełarusi. I heta svaboda moža być dasiahnuta tolki kali — dla pačatku — usie abvinavačańni i ŭžo vyniesienyja pryhavory ŭ dačynieńni da žurnalistaŭ buduć anulavanyja», — havorycca ŭ liście Mijatavič, nakiravanym 8 maja na imia Łukašenki.
Mijatavič, u pryvatnaści, nahadvaje pra žurnalistaŭ Irynu Chalip i Andreja Pačobuta, jakija asudžany za krytyčnyja materyjały na adras biełaruskich uład, a taksama pra Natallu Radzinu, vymušanaj pakinuć krainu, kab paźbiehnuć sudovaha pieraśledu i mahčymaha turemnaha źniavoleńnia.
«Hetyja prysudy pavinny być nieadkładna admienienyja, bo jany pasyłajuć vyrazny sihnał usim ŚMI ŭ Biełarusi ab tym, što ŭrad nie pacierpić krytyčnych hałasoŭ na adras uład i pravaachoŭnych orhanaŭ.Žurnalisty, jakija vykazvajuć inšy ad uradavaha punkt hledžańnia, žyvuć u strachu za svaju biaśpieku i biaśpieku blizkich», — padkreśliła Mijatavič.
Jana taksama adznačyła: «Čynoŭniki pavinny ciarpieć bolšuju krytyku z boku ŚMI, čym zvyčajnyja hramadzianie, i pavinny dazvolić svabodnyja debaty pa hramadska značnych temach u Biełarusi i za jaje miežami. U advarotnym vypadku my budziem tolki ruchacca nazad da jašče bolšych represij i zakrytaści hramadstva».
Taćciana Karaviankova, BiełaPAN.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary