«Kolki hadoŭ užo na «Biełaruśkalii» isnuje niezaležny prafsajuz? I 20 hadoŭ nichto ničoha nie moža zrabić, kab ich stała mienš».
Piarvičnym arhanizacyjam Fiederacyi prafsajuzaŭ Biełarusi (FPB) nieabchodna procidziejničać sprobam «destruktyŭnaha ŭździejańnia» na hramadzian, asabliva z boku niezaležnych prafsajuzaŭ. Pra heta zajaviŭ načalnik hałoŭnaha ŭpraŭleńnia ideałahičnaj pracy Minabłvykankama Rusłan Truchan 10 maja na pasiadžeńni abłvykankama ŭ Minsku.
Pavodle jaho słoŭ, samaj šmatlikaj u Minskaj vobłaści źjaŭlajecca piarvičnaja arhanizacyja niezaležnaha prafsajuza na AAT «Biełaruśkalij». Jana abjadnoŭvaje 4.569 rabotnikaŭ. «Za apošnija piać miesiacaŭ namahańniami kiraŭnictva pradpryjemstva kolkaść struktury źnižana na 138 čałaviek, u toj ža čas pavieličeńnie kolkaści prafsajuzaŭ „Biełaruśkalija“, jakija ŭvachodziać u skład FPB, nie takaja adčuvalnaja i skłała tolki 65 čałaviek», — skazaŭ Truchan. Heta «niedapracoŭki» prafsajuzaŭ fiederacyi.
Jak paviedamiŭ Truchan, za apošnija piać miesiacaŭ ź siami arhstruktur niezaležnych prafsajuzaŭ u vobłaści zastałosia tolki čatyry.
«U cełym
Siły, čyje dziejańni majuć niekanstruktyŭny charaktar, pastajanna znachodziacca ŭ poli našaha zroku», — zrabiŭ spravazdaču pierad kiraŭnictvam Minabłvykankama Truchan.
U svaju čarhu staršynia abłvykankama Barys Batura adznačyŭ, što ludzi ciahnucca tudy, dzie źjaŭlajucca «niestandartnyja padychody» ŭ dziejnaści.
«Kolki hadoŭ užo na „Biełaruśkalii“ isnuje niezaležny prafsajuz? Dvaccać hadoŭ. I 20 hadoŭ praktyčna nichto ničoha nie moža zrabić, kab ich stała mienš, prynamsi, na paradak», — skazaŭ Batura.Pavodle jaho słoŭ, hety «vielizarny niezaležny» prafsajuz źjaŭlajecca prykładam dla inšych. «I kali „narmalny“ prafsajuz nie prymaje adekvatnych dziejańniaŭ, to jany buduć źjaŭlacca i na inšych pradpryjemstvach», — zaklučyŭ čynoŭnik.
Kamientary