Prezidentka Litvy Dala Hrybaŭskajcie adpraŭlajecca z pracoŭnym vizitam va Ŭkrainu. U charkaŭskaj balnicy jana maje sustrecca z eks-premjerkaj Ukrainy Julijaj Cimašenkaj. Z Charkava Hrybaŭskajcie adpravicca ŭ Kijeŭ, dzie adbudziecca dvuchbakovaja sustreča z prezidentam Ukrainy Viktaram Janukovičam, paviedamlaje partał DELFI.
«Na minułym tydni ja havaryła z prezidentam Ukrainy pra stanovišča, jakoje skłałasia ŭ suviazi sa zdaroŭjem spadaryni Cimašenki. My damovilisia z prezidentam, što ŭ mianie budzie mahčymaść sustrecca ź joju ŭ Charkavie. Heta kardynalna źmianiaje situacyju. Tym bolš, što (...) vierahodna, što jana ŭžo zaŭtra budzie pieraviedzienaja ŭ Charkaŭskuju balnicu, značyć, joj daduć adekvatnuju nieabchodnuju dapamohu lekaraŭ», – skazała 7 maja Hrybaŭskajcie.
Jana skazała, što pa-raniejšamu budzie akcentavać, što praces intehracyi Ŭkrainy važny jak dla samoj hetaj krainy, tak i dla ES.