Viktoryja Azaranka vyjšła ŭ finał bujnoha tenisnaha turniru ŭ Madrydzie.
12 maja pieršaja rakietka śvietu za 1 hadzinu 19 chvilin abyhrała polku Ahniešku Radvańsku (3) — 6:2, 6:4. Lik asabistych pajadynkaŭ staŭ 11:3 na karyść Azaranki.
U hetym siezonie sapiernicy sustrakalisia ŭžo šeść razoŭ, i biełaruska niaźmienna stanaviłasia pieramožnicaj.
U vyrašalnym matčy Azaranka sustreniecca abo z amierykankaj Sierenaj Uiljams (9), abo z češkaj Lučyjaj Hradzieckaj (105).
U hetym siezonie Azaranka praviała 36 sustreč, u jakich atrymała 34 pieramohi i źviedała dva paražeńni (startavaja sieryja — 26:0). Spartsmienka vyjhrała čatyry turniry (u Sidniei, Dosie, Indyjan-Uełsie, a taksama adkryty čempijanat Aŭstralii).
Hod tamu Azaranka taksama dajšła da finału spabornictvaŭ u Madrydzie, u jakim sastupiła češcy Pietry Kvitavaj.
0
0
0
0
0
0
