11 traŭnia ŭ Hrodnie stvaralniku hramadskaha muzieja Vasila Bykava Mikałaju Mielnikavu była ŭručanaja premija imia Alesia Adamoviča.
Staršynia Biełaruskaha Pen-centra Andrej Chadanovič paśla hetaha patłumačyŭ: «Premija maje chutčej maralnaje značeńnie, padatkovaj inśpiekcyi prośba nie turbavać spadara Mielnikava. Jana ŭručajecca štohod Biełaruskim Pen-centram za sumlennaje słova, za publicystyku. Čaściej za ŭsio jaje atrymlivajuć piśmieńniki, publicysty, žurnalisty.
Mikałaja Mielnikava ŭhanaravali — za doŭhuju plonnuju dziejnaść pa zachavańni haradzienskaj spadčyny Vasila Bykava».
Premija składajecca z dypłoma, sertyfikata i pamiatnaha miedala z vyjavaj partreta Alesia Adamoviča, patłumačyŭ Andrej Chadanovič. Jon zaznačyŭ, što z uvahi na hady Mikałaja Mielnikava toj nie moh pryjechać u stalicu, premija była ŭručanaja jamu ŭ jaho hrodzienskaj kvatery.
Kamientary