17-hadovy junak u elektryčcy zatrymaŭ chulihana z nažom
17-hadovy navučeniecmastacka-prafiesijnaha kaledža spyniŭ ciažkaje złačynstva, zatrymaŭšy ŭ elektraciahniku Baranavičy — Minsk49-hadovaha žychara vioski Małajedy Niaśvižskaha rajona Minskaj vobłaści. U tambury vahona mužčyna nanosiŭ nažavyja rany svajmu32-hadovamu adnaviaskoŭcu.
Złačynstva było ŭčyniena 10 maja.
Jak paviedamili va ŭpraŭleńni ŭnutranych spraŭ na transparcie MUS Biełarusi, na stancyi Haradzieja razam ź niepaŭnaletnim u elektryčku zajšli dva mužčyny ŭ stanie ałkaholnaha apjanieńnia. Pieryjadyčna pjanyja pasažyry vychodzili ŭ tambur vahona i razmaŭlali. Čarhovy taki pachod moh zakončycca trahiedyjaj. Padčas razmovy pamiž sabutelnikami ŭźnik kanflikt, u vyniku jakoha adzin z mužčyn udaryŭ u tvar spadarožnika. U adkaz toj dastaŭ nož i nanios im kryŭdzicielu nie mienš jak dziesiać udaraŭ u šyju, tvar i pa rukach, a taksama nanios pranikajučaje ranieńnie hrudnoj kletki.
Zaŭvažyŭšy ŭ ruce pasažyra chałodnuju zbroju, junak kinuŭsia da złamyśnika i vybiŭ u jaho nož, a zatym vyklikaŭ milicyju.
Małady čałaviek samastojna zatrymaŭ złačyncu, prymianiŭšy pryjomy zachopu i samaabarony.
Atrymaŭšy paviedamleńnie ab złačynstvie, supracoŭniki transpartnaj milicyi z Baranavičaŭ nieadkładna prybyli na miesca zdareńnia. Pravaachoŭniki akazali pieršuju dapamohu paciarpiełamu, vyklikali miedykaŭ, zabrali nož i dastavili ŭ dziažurnuju čaść padazronaha.
Zaraz u dačynieńni da zatrymanaha Staŭbcoŭskim rajonnym adździełam Śledčaha kamiteta raspačata sprava za naŭmysnaje naniasieńnie ciažkich cialesnych paškodžańniaŭ pa č. 1 art. 147 Kryminalnaha kodeksa. Padazrony źmieščany ŭ IČU. Jamu pahražaje pakarańnie ŭ vyhladzie pazbaŭleńnia voli terminam da vaśmi hadoŭ.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ3
Kamientary