Ukraina maje namier padoŭžyć aŭtamagistral «Adesa‑Kijeŭ» da miažy ź Biełaruśśu, kab tut złučyć jaje z sučasnymi darohami ŭ bok bałtyskich partoŭ. Hetkim čynam, Ukraina prapanoŭvaje złučyć aŭtabanam Bałtyjskaje i Čornaje mora.
Ukraina maje namier padoŭžyć aŭtamagistral «Adesa‑Kijeŭ» da miažy ź Biełaruśśu, kab tut złučyć jaje z sučasnymi darohami ŭ bok bałtyskich partoŭ. Hetkim čynam, Ukraina prapanoŭvaje złučyć aŭtabanam Bałtyjskaje i Čornaje mora.
Inicyjatyva ab budaŭnictvie tranzytnych magistralaŭ była vykazana ministram transpartu Ŭkrainy Mykołam Rudkovskim padčas aficyjnaj sustrečy 16 marta ź ministram transpartu i kamunikacyj Biełarusi Ŭładzimiram Sasnoŭskim, što prajšła u Homli ciaham dvuch dzion u ramkach druhoha pasiedžańnia sumiesnaje pracoŭnaj grupy pa pytańniach transpartu.
U ministerstvie transparta i kamunikacyj (MTiK) Biełarusi paviedamiłi, što uchvalajuć inicyjatyvu ŭkrainskaha boku pa budaŭnictvie aŭtamagistralaŭ pamiž čarnamorskimi i bałtyjskimi partami. U ministerstvie łičać, što hetyja pakul jašče vielmi hipatetyčnyja aŭtabany, jakija musiać prajści praz RB, dazvolać krainie «atrymać ekanamičnyja vyhody z hetaha prajektu» i vykazałi «Interfaxu» prosta gienijalnuju zdahadku, što «prajekt aŭtamagistralaŭ zmoža pryciahnuć dadatkovyja investycyi».
Pradstaŭniki MTiK bačać kolki dadatnych bakoŭ pry budaŭnictvie na terytoryji krainy tranzytnych čarnamorska‑bałtyskich aŭtamagistralaŭ: pa‑pieršaje, hetyja darohi dazvolać paviałičyć tranzytnyja mahčymaści krainy, pa‑druhoje, biełaruskija exparciory zmohuć samastojna ździajsniać pierievałku hruzaŭ praz party Ukrajiny, Litvy, Łatviji dy Sankt‑Pieciarburhu.
Pavodle mierkavańnia ŭkrainskaha ministra stvareńnie hetkaj systemy aŭtamagistralaŭ dazvołić paviałičyć hruzazvarot u henym napramku nia mienš za 10 razoŭ. Pry hetym ukrainski ministar adznačyŭ, što ažyćciaŭleńnie takoha prajektu mahčyma tolki pry ŭdziele Ŭkrainy, Biełarusi, Łitvy abo Rasiei. M. Rudkovskij paviedamiŭ u hutarcy z kar. BiEŁTA, što Ŭkraina na praciahu błižejšych piaci hadoŭ stavić metaj pabudavać bolš za 5.000 km sučasnych aŭtadaroh.
«U nas pabudavany aŭtaban, što złučaje Adesu j Kijeŭ. My majuć namier dabudavać jašče adnu hałinu ad Kijeva da biełaruskaj miažy. Zatym praz Biełaruś my možam vyvieści jaho (aŭtaban) na Sankt‑Pieciarburh», ‑‑ zajaviŭ ukrainski ministar. Reałizacyja hetaha prajektu mahčymaja tolki tady, kałi Ŭkraina, Biełaruś, Rasija abo Łitva aktyŭna buduć udzielničać u hetym prajekcie, padkreśłiŭ jon. Voś ŭ henym «abo» j chavajecca patajemny sens hetych pieramovaŭ.
Ministry abodvuch krainaŭ nia nadta chočuć pałochać «uschodniuju siastrycu», ale razumiejuć nieabchodnaść pačatku pracy nad darožnym analagam energanośbitnamu Bałta‑Čarnamorskamu kalektaru. Pa infarmacyji ad supracoŭnikaŭ litoŭskaje ambasady, aficyjnaja Vilnia hetaksama vyjaŭlaje žyvuju zacikaŭlenaść u prapracoŭcy padobnych prajektaŭ.
Pa słovach ministra transpartu našaj paŭdniovaj susiedki, Ukraina i Biełaruś majuć adzin z samych vysokich tranzytnych patencyjałaŭ i jaho treba skarystaci pa maxymumie. Kijeŭ maje namier i ŭ dalejšym pašyrać supracu ź Mienskam u transpartovaj sfery. U pryvatnaści, M. Rudkovskij adznačyŭ, što ŭsie party Ŭkrainy hatovyja pryniać luby abjom hruzaŭ ad biełaruskich hruzaadpraŭnikoŭ. Ukrainski bok pahadziŭsia razhladzieć pytańni padnižeńnia vartaści transpartoŭki biełaruskich baržaŭ ukrainskimi buksiroŭščykami, źnižak na kanalnyja zbory dla biełaruskich pieravoźnikaŭ, a taksama palohak za šluzavańnie buksiraŭ dy baržaŭ, kałi Biełaruś istotna paviałičyć vodny tranzyt kałijnych uhnajeńniaŭ praz Ukrainu ź ich nastupnaj pierievałkaj praź Mikałajeŭski marski port.
U Mintransie RB zajaviłi, što ŭ vypadku pryniaćcia dadzienych rašeńniaŭ Biełaruś hatovaja adnavić pieravozki ŭ 2007 h. expartnych hruzaŭ pa nutranych vodnych šlachoch Ukrainy. Planavany abjom pieravozki kałijnych uhnajeńniaŭ moža skłaści ad 100 da 150 tysiačaŭ tonaŭ. Ale čyhunkaj va ŭkrainskim napramku vazici pa‑lubomu budzie rentabelniej – tamu bolšaja častka patencyjnaha ahułu ŭ 1,7 mln. tonaŭ pojdzie ŭ paŭdniovym napramku nie pa vadzie.
Tut varta zaciemić, što pavialičeńnie abjomaŭ pastavak kalijnych solaŭ było praabiacana i litoŭskamu boku padčas pasiedžańnia miždziaržaŭnaje biełaruska‑litoŭskaj kamisii, što prajšła 6‑7 sakavika. Pakul što vyhady Kłajpiedy, a taksama łatyskaha Ventspiłsu, bolej vidočnyja (asabliva pavodle infrastruktury), čym davoli dalokaha ad nas Mikałajeva. Zrešty, tut bolej zaležyć ad lagistyki kožnaje z pastavak kalijnych uhnajeńniaŭ.
Biełaruskaja błohierka pakazała, jaki žach moža adbyvacca z vusnami, kali chočaš ich pavialičyć — a potym pamienšyć7
Kamientary