Jamu pahražaje pazbaŭleńnie voli terminam da hoda.
U aŭtorak, 29 maja, a 10-j hadzinie ŭ sudzie Pieršamajskaha rajona Minska, što na Tałbuchina, raspačniecca sudovy razhlad kryminalnaj spravy byłoha palitviaźnia Vasila Parfiankova. Jaho abvinavačvajuć u nievykanańni patrabavańniaŭ previentyŭnaha nahladu (art. 421 KK RB),paviedamlaje spring96.org.
Spravu budzie razhladać sudździa Siarhiej Bandarenka, jaki 24 listapada 2011 hoda asudziŭ pravaabaroncu Alesia Bialackaha da 4,5 hadoŭ kałonii.
Abvinavačańnie miarkuje, što Vasil Parfiankoŭ trojčy parušyŭ režym previentyŭnaha nahladu. Adnojčy były palitviazień spaźniŭsia na adznačeńnie ŭ orhanie, jaki ažyćciaŭlaje nahlad. Dvojčy supracoŭniki milicyi prychodzili da jaho dadomu ŭ toj čas, kali Vasil vychodziŭ u kramu. Sankcyja artykuła 421 KK RB praduhledžvaje aryšt terminam da šaści miesiacaŭ albo pazbaŭleńnie voli terminam da adnaho hoda, dadaje spring96.org
Previentyŭny nahlad ustalavany za Vasilom Parfiankovym 5 studzienia 2012 hoda terminam na adzin hod. Pra zaviadzieńnie kryminalnaj spravy Pieršamajski rajonny adździeł Śledčaha kamiteta Minska paviedamiŭ byłomu palitviaźniu 19 krasavika.
Vasila Parfiankova adnym ź pieršych asudzili za ŭdzieł u padziejach 19 śniežnia 2010 hoda. Aktyvist demakratyčnaha ruchu atrymaŭ 4 hady źniavoleńnia, pakarańnie adbyvaŭ u Aršanskaj kałonii.13 žniŭnia 2011 hoda byŭ pamiłavany Łukašenkam. Uvosień i ŭzimku 2011 hoda Vasil Parfiankoŭ braŭ udzieł u akcyjach salidarnaści z palitviaźniami, zatrymlivaŭsia milicyjaj. Pad prafiłaktyčnym nahladam užo znachodziacca ŭdzielniki Płoščy Uładź Jaromienak i Pavieł Vinahradaŭ. Alaksandr Małčanaŭ pakarany 1,5 hadami źniavoleńnia pavodle abvinavačańnia ŭ kradziažy mietałałomu.
-
«Situacyja składanaja» — Pavieł Muraviejka prakamientavaŭ stanovišča na paŭdniovych rubiažach
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
U Biełarusi dadatkova vyvieli siły i srodki supraćpavietranaj abarony «dla prykryćcia paŭdniovych rubiažoŭ»
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im10
Kamientary