Redaktar «Litovskoho kuŕjera» baronić dziaržaŭnych žurnalistaŭ ad sankcyj ES
Uklučeńnie prapahandystaŭ u śpis nievyjazdnych jon nazyvaje «parušeńniem svabody słova».
Hienieralny dyrektar i hałoŭny redaktar haziety «Litovskij kuŕjer» Valeryj Traćciakoŭ, jaki ŭdzielničaje ŭ VII Biełaruskim mižnarodnym miedyjaforumie «Partniorstva ŭ imia budučyni: madeli novaj epochi» ŭ Minsku, zaklikaŭ kalehaŭ pryniać zajavu ab niedapuščalnaści sankcyj Jeŭrasajuza ŭ adnosinach da rabotnikaŭ dziaržaŭnych ŚMI Biełarusi.
«Abvinavaciŭšy šerah našych kalehaŭ u dačynieńni da parušeńniaŭ mižnarodnych vybarčych standartaŭ na prezidenckich vybarach 19 śniežnia 2010 hoda, a taksama ŭ simpatyjach da surovych mier u dačynieńni da biełaruskaj apazicyi, ES abmiežavaŭ prava na ŭjezd peŭnym biełaruskim žurnalistam, — havorycca ŭ prajekcie dakumienta. --
My, zamiežnyja ŭdzielniki miedyjaforumu, vykazvajem salidarnaść ź biełaruskimi kalehami i ličym nieprymalnymi movu sankcyj u mižnarodnych adnosinach u pryncypie i ŭ pryvatnaści abmiežavańnie svabody ŭ pierasoŭvańniach i dostupie i atrymańni infarmacyi žurnalistaŭ i vykanańni ich słužbovaha abaviazku».
Inicyjatyvu Traćciakova padtrymaŭ karespandent telekanała Russia Today Alaksandr Hurnov, jaki začytaŭ prajekt zajavy.
Jak ličyć Traćciakoŭ, «heta samy haniebny akt, jaki pryniali kiraŭniki Jeŭrasajuza ŭ dačynieńni da žurnalistaŭ Biełarusi». «Nie dumaju, što hetaja rezalucyja budzie z šerahu „pahavaryli i zabylisia“. Z dapamohaj Ministerstva infarmacyi Biełarusi buduć padrychtavany peŭnyja dakumienty. Jany buduć razasłanyja ŭ sajuzy žurnalistaŭ krain SND i Bałtyi. I my z hetymi dakumientami budziem źviartacca ŭ jeŭrapiejskija arhanizacyi i instancyi» , — zajaviŭ jon u intervju BiełaPAN.
Varta adznačyć, što Valeryj Traćciakoŭ maje biełaruskija dziaržaŭnyja ŭznaharody.
U sakaviku 2011 hoda redaktar litoŭskaj rasiejskamoŭnaj haziety byŭ adznačany Miedalom Francyska Skaryny «za ŭniosak va ŭmacavańnie i raźvićcio pryjaznych adnosin i supracoŭnictva pamiž srodkami masavaj infarmacyi Biełarusi i Litvy». Tym «unioskam» mnohija paličyli vialikaje intervju z Łukašenkam,jakoje Traćciakoŭ, apublikavaŭ u svajoj haziecie ŭ kastryčniku 2010 hoda. Novy čyn Traćciakova «ciahnie», jak minimum, na orden.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary