Biełaruś nie vykanała svajo abaviazacielstva skaracić pastaŭki suchoha małaka ŭ Rasiju.Pra heta zajaviŭ BiełaPAN kiraŭnik rasijskaha Nacyjanalnaha sajuza vytvorcaŭ małaka («Sajuzmałako») Andrej Danilenka, kamientujučy patrabavańnie ŭdzielnikaŭ Usierasijskaj narady pradstaŭnikoŭ pradpryjemstvaŭ małočnaj haliny zabaranić uvoz biełaruskaj pradukcyi z 4 červienia da 1 śniežnia.
Danilenka nahadaŭ, što ŭ lutym hetaha hoda «Sajuzmałako» źviarnułasia z prapanovaj da ministraŭ sielskaj haspadarki Biełarusi i Rasii ab prypynieńni pastavak na rasijski rynak suchoha małaka i małočnaj syrovatki. U pačatku sakavika Minsielhascharč Biełarusi paviedamiŭ, što kraina źviadzie da minimumu pastaŭki suchoha małaka ŭ Rasiju z druhoha kvartała.
«Na žal, na siońnia pastaŭki suchoha małaka ź Biełarusi nie prypynieny i nie źnižany ŭ abjomie.
I kali ŭ minułyja hady Biełaruś vykonvała svaje abaviazacielstvy pa skaračeńni pastavak suchoha małaka, to sioleta jana ich nie vykonvaje», — zajaviŭ Danilenka.
Pavodle jaho słoŭ, suchoje małako ź Biełarusi składaje lvinuju dolu rasijskaha rynku, aprača taho, jaho pastaŭki pieravyšajuć abjomy rasijskaj vytvorčaści. «Rasija štohod atrymlivaje ź Biełarusi pryblizna 60 tys. ton suchoha małaka, razam z tym rasijskija kampanii ŭ hod vyrablajuć tolki 45–50 tys. ton», — zaznačyŭ surazmoŭca.
Situacyja dla rasijskich vytvorcaŭ uskładniajecca jašče i tym, što biełaruskija pastaŭščyki suchoha małaka realizujuć svaju pradukcyju na rynku RF pa dempinhavych cenach. U vyniku stvarajecca surjoznaja pahroza razvału małočnaha rynku Rasii, kanstatuje kiraŭnik «Sajuzmałaka».
«Prypynieńnie pastavak suchoha małaka ź Biełarusi źnimie nahruzku na rynak u letni pieryjad, kali ŭ nas lišak małaka», — padkreśliŭ Danilenka. Jon upeŭnieny, što ŭ siezon «vialikaha małaka» biełaruskim i rasijskim vytvorcam nie treba «adnačasova šturchacca» na adnym rynku, kab nie pieraškadžać adzin adnamu. «Kožny z nas pavinien być na rynku, kali ŭ hetym jość patreba i metazhodnaść», — zaznačyŭ Danilenka.
Na jaho pohlad, kab raz i nazaŭsiody ŭrehulavać pytańnie ab pastaŭkach małaka i małočnaj pradukcyi, Biełarusi i Rasii varta źviarnucca da vopytu Jeŭrasajuza, dzie ŭviedziena kvatavańnie abjomaŭ vytvorčaści i tavaraabarotu.«Nam nieabchodna vykarystać vopyt ES, sieści za stoł pieramoŭ, vyznačycca adnosna miežavaha abjomu małaka i małočnaj pradukcyi, jaki Rasija moža spažyvać, hrafika spažyvańnia, a taksama damovicca pra žorstkaje vykanańnie hetaha hrafika», — padkreśliŭ kiraŭnik «Sajuzmałaka».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary