06.06.2012
/ 10:23 / Ałharytmičny łacinski varyjant
«Druhi čałaviek» u «Al-Kaidzie» zabity udaram amierykanskaha bieśpiłotnika
ZŠA nanieśli jašče adzin udar pa mižnarodnym teraryźmie.
«Druhi čałaviek» u «Al-Kaidzie» zabity udaram amierykanskaha bieśpiłotnika
U Pakistanie ŭ vyniku ŭdaru amierykanskaha bieśpiłotniki zabity Abu Jachji al-Libi, jaki ličyŭsia druhim čałaviekam u ijerarchii «Al-Kaidy», zajaviŭ u aŭtorak pres-sakratar prezidenta ZŠA Džej Kerni.
«Hetaja śmierć — jašče adno źviano ŭ łancuhu zaniapadu, jakoje adčuvaje kiraŭnictva „Al-Kaidy“ na praciahu apošnich niekalkich hadoŭ, i hety zaniapad spustošyŭ vierchavinu „Al-Kaidy“ da takoj stupieni, što ŭžo nie vidać jasnaha pierajemnika (dla Abu Jachji al-Libi)», — cytuje Kerni Associated Press.
Raniej krynica ŭ pakistanskim «Talibani» paćvierdziła Reuters hibiel Abu Jachji al-Libi. Takim čynam, jaho śmierć stałasia samym značnym etapam u baraćbie ZŠA suprać «Al-Kaidy» z momantu zabojstva Usamy bien Ładena ŭ pačatku traŭnia minułaha hodu.
Jak paviedamlaje telekampanija Fox News, udar amierykanskaha bieśpiłotniki, jaki zabiŭ Abu Jachji al-Libi, byŭ naniesieny jašče ŭ paniadziełak. Jon pryjšoŭsia pa rajonie Mir-Ali ŭ Paŭnočnym Vazirystanie.