Padčas siońniašniaj pramoj linii, arhanizavanaj «Narodnaj hazietaj», staršynia praŭleńnia Nacyjanalnaha banka Nadzieja Jermakova raskazała pra ŭzrovień svajho dachodu i tyja zarobki, jakija atrymlivajuć rabotniki Nacbanka.
«Čystymi, paśla vypłaty ŭsich padatkaŭ moj zarobak składaje prykładna $1000 u miesiac», — adznačyła Nadzieja Andrejeŭna.
U siarednim pa Nacyjanalnamu banku zarobak pakul nie daciahvaje da siaredniaha pa Minsku.
«Pakul nie daciahvaje da $500», — skazała Jermakova.
Pavodle jaje słoŭ, dla pavyšeńnia siaredniaha zarobku robicca mnohaje. «Pravodzicca płanavaje skaračeńnie kadraŭ, ich aptymizacyja», — padkreśliła kiraŭnik Nacbanka.
Raniej, nahadajem, ministr ekanomiki Biełarusi Mikałaj Snapkoŭ raspavioŭ, što jon atrymlivaje $750 u miesiac. A Alaksandr Łukašenka ŭ ramkach svajho pasłańnia da biełaruskaha narodu zhadaŭ, što jaho zarpłata kala $2000.