U mai ŭ Smalavickim rajonie płanavali adkryć pieršyja pryvatnyja mohiłki dla chatnich žyvioł. Ale adkryćcio tak i nie adbyłosia — praz nulavy popyt na pasłuhi.
Pavodle infarmacyi Onliner.by, za dva miesiacy było padadziena ŭsiaho 4 zajaŭki na pachavańnie. Pry takim popycie adkryvać mohiłki dla žyvioł niavyhadna. Da taho ž, nielha zabyvać, što dla ŭtrymańnia mohiłak treba najmać vartaŭnikoŭ, a heta taksama vydatki na zarpłatu.
Mahčyma, ludziej adšturchnuŭ košt pasłuh: vyklik ahienta centra rytualnych pasłuh na dom i dastaŭka žyvioliny — 45 tys. rubloŭ, kremacyja — 425 tys., pachavańnie — 425 tys. rubloŭ. Akramia taho, ad 30 da 60 tys. rubloŭ abyšłasia b skrynia, pomnik — za dadatkovuju płatu. I heta jašče nie ŭsio — raźličvałasia, što pachavańnie zastaniecca niekranutym try hady, chočacie zachavać na bolšy termin — znoŭ ža, za dadatkovuju płatu.
Tym nie mienš, adsutnaść paŭnavartasnych mohiłak dla chatnich hadavancaŭ tryvožyć ekołahaŭ, zaaabaroncaŭ i ludziej, hatovych nie ekanomić na śmierci čatyrochnohich ulubioncaŭ. Adzinym aficyjnym sposabam pachavańnia žyvioliny
Da pytańnia stvareńnia mohiłak «Bijaekałohija» vierniecca vosieńniu abo ŭvohule praz hod.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary