Pieršy ŭčastak treciaj linii mietro płanujecca adkryć u 2017 hodzie
Paviedamiŭ načalnik dyrekcyi pa budaŭnictvie Minskaha mietrapalitena Pavieł Carun 6 červienia na
Pavodle jaho słoŭ, vykanana abhruntavańnie inviestavańnia, padrychtavana nieabchodnaja dakumientacyja i raspracoŭvajecca architekturny prajekt učastka.
Jak paviedamiŭ Carun, praciahłaść pieršaha ŭčastka treciaj linii składzie 4,2 km. Jon budzie składacca z čatyroch stancyj, jakija dazvolać stvaryć «pierasadačny trochvuholnik» i razhruzić dziejny pierasadačny vuzieł «Kupałaŭskaja — Kastryčnickaja».
Dadatkova buduć stvorany pierasadačnyja vuzły «Frunzienskaja — Jubilejnaja płošča» i «Płošča Lenina — Vakzalnaja».
Pavodle słoŭ načalnika dyrekcyi, usiaho na treciaj linii Minskaha mietrapalitena zapłanavana stvaryć siem stancyj mietro i depo. Ahulnaja jaje praciahłaść składzie prykładna 8,5 km. Vybrany nastupnyja nazvy dla stancyj mietro treciaj linii:
«Słucki haściniec», «Niemaršanski sad», «Aeradromnaja», «Kavalskaja słabada», «Vakzalnaja», «Płošča Franciška Bahuševiča», «Jubilejnaja płošča».Nazvy prachodziać nieabchodnuju praceduru ŭzhadnieńnia ŭ Miniuście. Zychodziačy z nazvaŭ, budzie raspracavany abličča kompleksaŭ novych stancyj mietro.
Jak paviedamiŭ Carun, papiaredni košt budaŭnictva stancyj mietro treciaj linii ŭ cenach 2006 hoda składaje 1 trłn. 886 młrd. 605 młn. 66 tys. rubloŭ. Na płatformach mietro treciaj linii buduć ustanoŭlenyja aharodžy ź dźviarami, što dazvolić vyklučyć padzieńnie ludziej na rejki. Taksama budzie stvorana biezbarjernaje asiarodździe dla ludziej z abmiežavanymi mahčymaściami i prymienieny inšyja sučasnyja technałohii.
Pavodle słoŭ načalnika, padčas rabot pa budaŭnictvie treciaj linii mietrapalitena buduć prymianiacca miechanizavanyja kompleksy, jakija dazvolać nie dapuścić prasadku ziamnoj pavierchni i paskoryć budaŭnictva. «Kali ciapier my budujem 60 m u miesiac, to, prymianiajučy miechanizavany kompleks, — 250–300 m», — adznačyŭ Carun.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary