Łukašenka nakiravaŭ na razhlad u pałatu pradstaŭnikoŭ nacyjanalnaha schodu prajekt zakona «Ab amnistyi niekatorych katehoryj asob, jakija ŭčynili złačynstvy».
Zakonaprajektam praduhledžvajecca vyzvaleńnie ad kryminalnaj adkaznaści i pakarańnia poŭnaściu abo častkova šerahu katehoryj asudžanych. U im realizavany asnoŭnyja pryncypy
Dakumientam praduhledžvajecca prymianieńnie amnistyi adnosna niepaŭnaletnich, ciažarnych žančyn, asob piensijonnaha ŭzrostu, invalidaŭ, vieteranaŭ bajavych dziejańniaŭ i šerahu inšych katehoryj asob, jakim moža być zroblena pabłažka
Taksama na amnistyju mohuć raźličvać tyja, chto asudžany za asobnyja ekanamičnyja złačynstvy pry ŭmovie poŭnaj kampiensacyi naniesienaha ich dziejańniami ŭronu.
U zakonaprajekcie asabliva adznačajecca, što amnistyja nie moža być prymieniena da asob, jakija ŭčynili asobnyja ciažkija i asabliva ciažkija złačynstvy, u tym liku karupcyjnyja, pryznanych asabliva niebiaśpiečnymi recydyvistami, asudžanych da pakarańnia ŭ vyhladzie pažyćciovaha źniavoleńnia, a taksama da asob, jakija nie vykanali praduhledžanyja prajektam zakona ŭmovy dla vyzvaleńnia ad kryminalnaj adkaznaści i pakarańnia.
Asobnyja pazicyi zakonaprajekta byli ŭdakładnieny pa vynikach praviedzienaj narady ŭ prezidenta Biełarusi i ŭzhodnieny z zacikaŭlenymi.
Zakonaprajekt nakiravany ŭ pałatu pradstaŭnikoŭ u adpaviednaści z častkaj pieršaj artykuła 99 Kanstytucyi Biełarusi. Čarhovuju amnistyju ŭ adpaviednaści z daručeńniem kiraŭnika dziaržavy płanujecca prymierkavać da dziaržaŭnaha śviata — Dnia Niezaležnaści.
