Jamu było 63 hady.
Doŭhi čas jon zmahaŭsia z ankałahičnym zachvorvańniem. Prachodziŭ lačeńnie ŭ Izraili. Pamior Zvozskaŭ u reanimacyi ŭ Baraŭlanach, kudy byŭ dastaŭleny niekalki dzion pierad hetym.Barys Zvozskaŭ naradziŭsia ŭ 1949 u rasijskim Biełahorsku. Skončyŭ Leninhradski elektratechničny instytut. Doŭhi čas pracavaŭ inžynieram u pradpryjemstvie «Kaskad».
Paśla prychodu da ŭłady Łukašenki Barys Iharavič aktyŭna zaniaŭsia pravaabarončaj dziejnaściu. Jon uznačalvaje arhanizacyju «Pravavaja inicyjatyva». Staŭ adnym z zasnavalnikam i pieršym prezidentam Doma pravoŭ čałavieka ŭ Vilni.
Za svaju praavabarončuju dziejnaść jon nieadnarazova ŭznaharodžvaŭsia roznymi premijami. Dzialiŭsia svaim dośviedam z bolš maładymi kalehami.
Na sudzie nad viasnoŭcam Alesiem Bialackim Barys Zvozskaŭ byŭ vyklikany ŭ jakaści śviedki. Prakuror nastojvaŭ, što Zvozskaŭ atrymlivaŭ na bankaŭskija rachunki hrošy ad Bialackaha. Hruntoŭny Barys Iharavič prosta pradstaviŭ papierku, što nikoli na jaho imia nie byli zarehistravanyja hetyja rachunki. Prakuror jaŭna nie čakaŭ takoha kroku.«Usie našy pravaabaroncy chodziać pad damokłavym miačom pahrozy pakarańnia i pryciahnieńnia da adkaznaści. U Kryminalnym kodeksie dahetul isnuje artykuł „Dyskredytacyja Respubliki Biełaruś“, trapić pad jaki nie składaje ciažkaści. My, biełaruskija pravaabaroncy, nie toje kab pryzvyčailisia z hetym — prosta kłopat ab biaśpiecy ŭvajšoŭ u našu pastajannuju pracu i ažyćciaŭlajecca samastojna. Nichto z nas nie zadumvajecca ab tym, što sup treba jeści łyžkaj, a nie videlcam, — prosta biarem łyžku i jamo sup. Voś i pytańni biaśpieki ŭ nas prachodziać čysta aŭtamatyčna», — kazaŭ u adnym ź intervju sp. Zvozskaŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary