Delehaty źjezda Svabodnaha prafsajuza mietalistaŭ (SPM), što adbyŭsia 16 červienia ŭ Minsku, abrali staršynioj arhanizacyi Alaksandra Buchvostava.
Na hetaj pasadzie Buchvostaŭ źmianiŭ Vasila Leŭčankova. Namieśnikam staršyni SPM abrany Uładzimir Druhakoŭ.
Jak paviedamiŭ Buchvostaŭ, heta byŭ «techničny źjezd». «Na im prysutničali 14 delehataŭ z 18 abranych na źjezd. Usie jany pradstaŭlali prafsajuznyja arhanizacyi na roznych pradpryjemstvach Biełarusi», — skazaŭ jon.
Delehaty abmierkavali źmieny ŭ statut arhanizacyi i prahramu dziejnaści na 2012–2015 hady, a taksama abrali saviet arhanizacyi.
Pavodle słoŭ Buchvostava, źjezd nie prymaŭ nijakich rezalucyj.Nie abmiarkoŭvałasia i pytańnie pra dziejańni prafsajuza padčas najbližejšych parłamienckich vybaraŭ. «My naohuł nie zakranali palityčnych prablem i pytańniaŭ, bo prafsajuz pavinien zajmacca nie palitykaj, a svajoj dziejnaściu — abaronaj pravoŭ rabotnikaŭ. Akramia taho, u palitykaŭ, na maju dumku, niama adzinaha mierkavańnia ŭ pytańniach dasiahnieńnia svaich met. Tamu pra niejkija vybary havaryć zaŭčasna», — zajaviŭ Buchvostaŭ.
Pavodle jaho słoŭ, pieršačarhovaja zadača SPM — umacavańnie prafsajuznych struktur i piarvičnych arhanizacyj na pradpryjemstvach.«My vybirali adnaho delehata ad 50 čałaviek, heta značyć u našym prafsajuzie zaraz prykładna 800 členaŭ. Takim čynam, prafsajuz u nas nievialiki, i nam treba pašyryć svaje rady, kab stać siłaj u prafsajuznym ruchu», — reziumavaŭ novy staršynia SPM.
Svabodny prafsajuz mietalistaŭ uvachodzić u skład Biełaruskaha kanhresa demakratyčnych prafsajuzaŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary