«Piefcijeŭ całkam spyniŭ svaju dziejnaść»

«Kampanija ZAT «Biełtechekspart» paćviardžaje infarmacyju pra źmienu ŭładalnika kantrolnaha pakieta akcyj hrupy kampanij ZAT «Kirujučaja kampanija «Biełtech Chołdynh», u jakuju ŭvachodzić ZAT «Biełtechekspart» — takoje paviedamleńnie raźmieščana na aficyjnym sajcie najbujniejšaj u Biełarusi kampanii pa eksparcie/imparcie pradukcyi vajennaha pryznačeńnia.

«Uładalnikam kantrolnaha pakieta akcyj hrupy kampanij staŭ rasijski biźniesmien, vypusknik Rasijskaj akademii narodnaj haspadarki i dziaržaŭnaj słužby pry prezidencie RF Hurynovič Dźmitryj Fiodaravič. Piefcijeŭ Uładzimir Paŭłavič całkam spyniŭ svoj udzieł u dziejnaści hetaj hrupy kampanij», — havorycca ŭ paviedamleńni.

Adznačajecca taksama, što «heta ździełka ažyćcioŭlena ŭ miežach intehracyi Rasii i Biełarusi ŭ halinie VTS (VTS — vajenna-techničnaje supracoŭnictva) i śviedčyć pra ŭzmacnieńnie adkrytaści dźviuch krain, a taksama ŭsialaje ŭpeŭnienaść u tym, što ZAT „Biełtechekspart“ vyjdzie na pryncypova novyja pazicyi na suśvietnym rynku».

Nahadajem, infarmacyja pra ździełku źjaviłasia ŭ ŚMI 30 maja, adnak tady kamientavać jaje ŭ «Biełtecheksparcie» admovilisia. 31 maja prodaž paćvierdziŭ pieršy namieśnik staršyni Dziaržaŭnaha vajenna-pramysłovaha kamiteta Biełarusi Raman Hałoŭčanka. Pry hetym jon adznačyŭ, što «Biełtechekspart» nie ŭvachodzić u strukturu Dziaržkamvajenprama, a tamu kamitet, choć i kaardynuje jaho dziejnaść u častcy ažyćciaŭleńnia źniešniaj handlovaj dziejnaści, na kiraŭnickija pytańni nie ŭpłyvaje.

***

20 červienia 2011 hoda Saviet ES pryniaŭ rašeńnie pašyryć śpis biełaruskich hramadzian i kampanij, na jakija raspaŭsiudžvajucca sankcyi ŭ suviazi z parušeńniem pravoŭ čałavieka ŭ Biełarusi, uklučyŭšy ŭ jaho ŭ tym liku Uładzimira Piefcijeva i try kampanii — ZAT «Biełtechekspart», ZAT «Sport-pary» i PUP «BT Telekamunikacyi». U dakumientach ES Piefcijeŭ nazyvajecca «asobaj, źviazanaj z prezidentam Łukašenkam i jaho siamjoj, hałoŭnym ekanamičnym savietnikam prezidenta Łukašenki i klučavym finansavym sponsaram režymu Łukašenki, staršynioj savieta akcyjanieraŭ „Biełtecheksparta“, najbujniejšaj u Biełarusi kampanii impartu-ekspartu ŭzbrajeńniaŭ».

Sankcyi ŭ dačynieńni da nazvanych kampanij byli ŭviedzieny na padstavie taho, što ŭsie jany «padkantrolnyja Uładzimiru Piefcijevu». Piefcijevu zabaroniena naviedvać terytoryju ES, a jaho rachunki i majomaść u krainach ES pavinny być zamarožany. Jaho kampanijam zabaroniena vieści biźnies na terytoryi krain ES. Hetaje rašeńnie Piefcijeŭ asprečvaje ŭ sudzie Jeŭrasajuza, kudy 12 žniŭnia nakiravaŭ isk.

Pavodle mierkavańnia ekśpiertaŭ, ździełka maje na mecie vyvad kampanii z-pad dziejańnia sankcyj Jeŭrapiejskaha sajuza. Adnak, ličać jany, dla hetaha nieabchodna nie tolki źmiena ŭłaśnika, ale i vialikija źmieny ŭnutry struktury. Nie vyklučajecca i źmiena nazvy.

• 0
• 0
• 0
• 0
• 0
• 0
• 0
• 0