U ABSIE vynikovyja spravazdačy pa nazirańni za vybarami «pišucca nie samimi naziralnikami, a čynoŭnikami, jakija ažyćciaŭlajuć hetyja funkcyi ŭ kabinietach», nie ŭdzielničajučy ŭ nazirańni.Takuju zajavu zrabiła staršynia biełaruskaha Centrvybarkama Lidzija Jarmošyna na pasiadžeńni CVK 19 červienia.
Sakratar Centrvybarkama Mikałaj Łazavik zaznačyŭ, što ŭ Biełarusi «kožny naziralnik zmoža aznajomicca ź lubym etapam vybarčaj kampanii, realna aceńvać situacyju z vybarami».
Pry hetym Łazavik vykazaŭ škadavańnie ŭ suviazi z tym, što ŭ krainie adsutničajuć «ryčahi zvarotnaha ŭpłyvu na naziralnikaŭ». «Kali ŭ miežach SND pryniata kanviencyja ab kryteryjach praviadzieńnia nazirańnia, to ŭ ABSIE takoha dakumienta niama.
Časam nas staviać pierad faktam, što ŭ spravazdačy situacyja adlustravana skažona, ale ŭpłyvać na heta nie možam», — zajaviŭ sakratar CVK.
Łazavik ličyć, što kiraŭnictva ABSIE «vykidaje stanoŭčyja acenki naziralnikaŭ», nie ŭnosiačy ich u kančatkovy dakumient. «Mnie ščyra škada dobrasumlennych naziralnikaŭ, jakija davali stanoŭčuju acenku vybaram u Biełarusi, adnak ich mierkavańnie było praihnaravana kiraŭnictvam ABSIE», — skazaŭ jon.
Na siońniašnim pasiadžeńni CVK pryniała dakumienty ab paradku nakiravańnia i akredytacyi nacyjanalnych i zamiežnych naziralnikaŭ na parłamienckich vybarach, jakija projduć u Biełarusi 23 vieraśnia.
KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy4
Kamientary