Nacyjanalny bank Biełarusi pa miery źmianšeńnia inflacyi ŭ krainie budzie źnižać staŭku refinansavańnia, kab pa vynikach 2007 hoda vyjści na prahnoznyja pakazčyki pa jaje značeńniu.
Nacyjanalny bank Biełarusi pa miery źmianšeńnia inflacyi ŭ krainie budzie źnižać staŭku refinansavańnia, kab pa vynikach 2007 hoda vyjści na prahnoznyja pakazčyki pa jaje značeńniu. Jak paviedamili BIEŁTA u pres‑słužbie kiraŭnika dziaržavy, ab hetym staršynia praŭleńnia Nacyjanalnaha banka Piotr Prakapovič prainfarmavaŭ siońnia prezidenta Biełarusi Alaksandra Łukašenku.
Nacyjanalny bank z 1 lutaha časova pavysiŭ staŭku refinansavańnia na 1 pracentny punkt — da 11 pracentaŭ hadavych. Jak adznačyŭ Piotr Prakapovič, heta dało mahčymaść pavialičyć staŭku pa pryciahnutych depazitach nasielnictva. U pryvatnaści, za luty siaredniaja staŭka pa takich układach skłała 12,2 pracenta hadavych, što na 2,5 pracentnaha punkta vyšej, čym u śniežni 2006 hoda.
U cełym realizacyja Nacyjanalnym bankam pracentnaj palityki prachodzić u strohaj adpaviednaści z Asnoŭnymi napramkami hrašova‑kredytnaj palityki na 2007 hod. Pracentnaja palityka nakiravana, z adnaho boku, na zadavalnieńnie patrebnaściej nasielnictva i pradpryjemstvaŭ u kredytach, z druhoha — na stymulavańnie prytoku ŭkładaŭ jurydyčnych i fizičnych asob u bankach. Pa stanu na 15 sakavika 2007 hoda depazity nasielnictva pavialičylisia z pačatku hoda na Br410 młrd.
Prezident Biełarusi pastaviŭ pierad Nacyjanalnym bankam zadaču zabiaśpiečyć u 2007 hodzie vykanańnie ŭsich prahnoznych pakazčykaŭ raźvićcia bankaŭskaj sistemy Biełarusi, u tym liku i ŭ pieršym paŭhodździ.
Kamientary