Premjer‑ministar Siarhiej Sidorski naviedaje 28‑29 sakavika z pracoŭnym vizytam Azerbajdžan, paviedamiła pres‑słužba ŭradu.
Premjer‑ministr Biełarusi Siarhiej Sidorski naviedaje 28‑29 sakavika z rabočym vizitam Azierbajdžan, paviedamiła pres‑słužba ŭrada.
U prahramie vizitu — sustreča z prezidentam Azierbajdžana Ilchamam Alijevym, pieramovy z premjer‑ministram Arturam Rasi‑zade. Abodva premjery voźmuć udzieł u čaćviortym pasiadžeńni biełaruska‑azierbajdžanskaj kamisii pa handlova‑ekanamičnym supracoŭnictvie.
Pa vynikach pracy kamisii namiečana padpisańnie šerahu dakumientaŭ. Siarod ich — płan mierapryjemstvaŭ pa vykanańni prahramy doŭhaterminovaha sacyjalna‑ekanamičnaha supracoŭnictva pamiž Biełaruśsiu i Azierbajdžanam da 2015 hoda, prahrama supracoŭnictva ŭ śfiery fizičnaj kultury pamiž Minsportu i turyzmu Biełarusi i Ministerstvam moładzi i sportu Azierbajdžana na 2007‑2008 hady.
U prahramie vizitu premjer‑ministra Biełarusi ŭ Azierbajdžan — ahlad mini‑ekspazicyi traktaroŭ «Biełarus», sabranych z kamplektaŭ Minskaha traktarnaha zavoda na Hiandžynskim aŭtamabilnym zavodzie. Nahadajem, što rašeńnie ab stvareńni hetaj zboračnaj vytvorčaści było pryniata ŭ kastryčniku 2006 hoda padčas naviedvańnia MTZ prezidentam Azierbajdžana I.Alijevym u miežach jaho vizitu ŭ Biełaruś.
S.Sidorski maje namier taksama sustrecca ŭ Baku ź ministram pa nadzvyčajnych situacyjach Azierbajdžana Kamielatdzinam Hiejdaravym. Zapłanavana naviedvańnie śpieckambinata pa utylizacyi radyjeaktyŭnych adchodaŭ MNS Azierbajdžana «Izatop». Tam budzie demanstravacca biełaruskaja technika.
Premjer‑ministr Biełarusi płanuje taksama pabyvać na Sanhačalskim naftanakaplalnym terminale. Praduhledžvajecca ahlad vystavačnaj ekspazicyi terminała, jaho terytoryi, hutarka z prezidentam Dziaržaŭnaj naftavaj kampanii Azierbajdžana Raŭnaham Abdułajevym.
U kastryčniku 2006 hoda Biełaruś i Azierbajdžan padpisali Dahavor ab sacyjalna‑ekanamičnym supracoŭnictvie da 2015 hoda, a taksama Prahramu doŭhaterminovaha ekanamičnaha supracoŭnictva na 2005‑2015 hady. U studzieni 2007 hoda ŭkazam prezidenta Biełarusi hety dahavor byŭ zaćvierdžany. Dla jaho realizacyi MZS Biełarusi raspracavała i nakiravała azierbajdžanskamu boku na razhlad prajekt mierapryjemstvaŭ pa vykanańni doŭhaterminovaj prahramy supracoŭnictva, jakaja źjaŭlajecca nieadjemnaj častkaj dahavora. Ciapier dakumient znachodzicca na razhladzie ŭrada Azierbajdžana. Zaćvierdzić mierapryjemstvy płanujecca padčas pasiadžeńnia mižuradavaj kamisii, što maje adbycca.
Maryna Nosava, BIEŁAPAN
Kamientary