U noč na 27 sakavika načy ŭ Mazyry zrobleny čarhovy padpał chramu. Hetym razam złamyśniki sprabavali źniščyć katalicki kaścioł Śviatoha Michała.
 |
U kaściole pabityja vokny, praź jakija ŭ budynak ukinuli pałajučyja anučy, pramočanyja haručaj vadkaściu. Dziakujučy tamu, što anučy patrapili na betonnuju padłohu, ahoń dalej nie pajšoŭ.
Pavodle starasty kaściołu Ihnata Chamičonka, zhareła adzieńnie dla słužby, raźbity šyby i abraz. Ale hałoŭny ŭron u tym, što ścieny pamiaškańnia mocna zakuranyja.
Siońnia dniom ŭ Mazyry byli zatrymany try padazronyja ŭ padpale kaścioła. Pavodle homielskaj milicyi zatrymanyja — navučency i niepracujučyja žychary Mazyra 16‑20 hadoŭ.
U minułym hodzie nieviadomyja ŭ Mazyry dvojčy padpalvali pravasłaŭnuju carkvu Śviatoha Hieorhija Pieramožca, u vyniku čaho chram byŭ całkam źniščany ahniom.
Pravaachoŭnyja orhany ličać, što padpały carkvy Śviatoha Hieorhija i kaścioła Śviatoha Michała ŭzajemaźviazanyja i ŭčynienyja adnoj hrupaj ludziej, jakija nazyvajuć siabie satanistami.
Na dumku starasty kaściołu Ihnata Chamičonka, padpalščykami byli mienavita satanisty. Jany razmalavali ścieny kaścioła znakami «666», zorkami i nadpisami, što prasłaŭlajuć satanu.
Fota Radzima.org via Našy kaścioły
Kamientary