Pradstaŭnik Siryi vykazaŭ mierkavańnie, što dakład viarchoŭnaha kamisara AAN pa pravach čałavieka Navi Piłej byŭ «palityzavanym» i «nie niepraduziatym». Pradstaŭnik KNDR padtrymaŭ hetaje mierkavańnie.
Siryjski dypłamat ličyć, što dakład adlustravaŭ situacyju z punktu hledžańnia ES, «katoraja skažaje situacyju ŭ krainie i nie ŭličvaje dasiahnieńniaŭ Biełarusi, asabliva ŭ halinie
«My surjozna zaniepakojenyja tym, što dyskusija palityzavanaja, i my rašuča vystupajem suprać padobnych palityzavanych dakładaŭ, — paŭtaraje siryjskamu kalehu pradstaŭnik KNDR. — Takija dakłady vyklikajuć kanfrantacyju i niedavier pamiž krainami. Pytańni ab pravach čałavieka nie pavinny być palityzavanyja, jany musiać vyrašacca ŭ duchu dyjałohu. Saviet pa pravach čałavieka pavinien pakłaści kaniec anachraničnaj pracedury pryniaćcia krainavych rezalucyj «.
Delehacyja Łaosa «padzialaje ahulnuju pazicyju Ruchu niedałučeńnia», jakaja zvodzicca da taho, što «krainavyja rezalucyi nie dapamohuć u vyrašeńni prablem u śfiery pravoŭ čałavieka». Pradstaŭnik Łaosa zaklikaŭ Biełaruś «supracoŭničać z usimi miechanizmami AAN», a mižnarodnuju supolnaść — «supracoŭničać ź Biełaruśsiu ŭ kanstruktyŭnym duchu».
Tadžykistan vykazaŭ padtrymku Biełarusi. Pavodle acenki jaho pradstaŭnika, dakład Navi Piłej nie ŭklučaje ŭsiu infarmacyju pra Biełaruś, u tym liku pra padziei 19 śniežnia. Dakład abapirajecca na druhasnyja krynicy.«Dakład pavinien być abjektyŭnym i spraviadlivym, a praca Savieta pa pravach čałavieka ź Biełaruśsiu nie pavinna być palityzavanaj. Isnujučaja ŭ nas infarmacyja daje prava zajavić, što Biełaruś schilnaja da idejaŭ supracoŭnictva z Savietam pa pravach čałavieka, u jaje niama niavykananych abaviazalnictvaŭ pa pradastaŭleńni infarmacyi», — zajaviŭ pradstaŭnik Tadžykistana.
Uruhvaj vykazaŭ «zaniepakojenaść surjoznym paharšeńniem situacyi ŭ Biełarusi paśla prezidenckich vybaraŭ». «My ćviorda pierakananyja ŭ nieabchodnaści taho, kab Biełaruś zabiaśpiečyła supracoŭnictva z usimi miechanizmami Savieta, a taksama naležnym čynam zabiaśpiečyła vykanańnie ŭsich svaich abaviazalnictvaŭ», — zajaviŭ pradstaŭnik Uruhvaja i pacikaviŭsia ŭ delehacyi Biełarusi, jakim čynam biełaruskija ŭłady majuć namier damahacca hetaha.
Uruhvaj taksama pacikaviŭsia: ci pryniaŭ Minsk miery dla taho, kab pradstaŭniki ŭpraŭleńnia viarchoŭnaha kamisara pa pravach čałavieka AAN padčas vizitu ŭ Biełaruś mieli mahčymaść sustrecca z usimi zacikaŭlenymi bakami i ci płanujecca zaprašeńnie śpiecdakładčykaŭ AAN.
Delehacyja Mjanmy adznačyła vizit u Biełaruś śpiecdakładčyka pa handli ludźmi. Akramia taho, Biełaruś svoječasova padavała ŭsie nieabchodnyja dakłady. «Krainavyja rezalucyi ŭ Saviecie pa pravach čałavieka nie stvarajuć spryjalnaha stanovišča dla raźvićcia paŭnavartasnaha i abjektyŭnaha dyjałoha», — zajaviŭ pradstaŭnik Mjanmy.
Turkmienistan vykazaŭ Biełarusi «ŭdziačnaść za supracoŭnictva z roznymi sistemami i miechanizmami manitorynhu ŭ ramkach Savieta pa pravach čałavieka». «Biełaruś na rehularnaj asnovie padaje patrebnuju infarmacyju. Biełaruś prajšła praceduru univiersalnaha pieryjadyčnaha ahladu i pryniała ŭsie vyłučanyja rekamiendacyi», — padkreśliŭ pradstaŭnik hetaj krainy.
Mieksika nazvała nieprymalnym abmiežavańni ŭ pracy žurnalistaŭ i pravaabaroncaŭ u Biełarusi. «Varta taksama adznačyć ciažkaści, ź jakimi sutykajucca biełaruskija advakaty, i infarmacyju pra adsutnaść niezaležnaści sudździaŭ. Abaviazak ŭrada palahaje ŭ tym, kab jurydyčnyja ramki nie pieraškadžali mahčymaści na svabodu schodaŭ, asacyjacyj, a taksama svabodzie słova i prava na infarmacyju», — zajaviŭ mieksikanski pradstaŭnik.
Jon zaklikaŭ Biełaruś vykanać rekamiendacyi, vykładzienyja ŭ dakładzie viarchoŭnaha kamisara Piłej, i naładzić supracoŭnictva z Savietam AAN pa pravach čałavieka i jaho pravaabarončymi miechanizmami.
Batsvana taksama zaznačyła ab prablemach z pravami čałavieka ŭ Biełarusi. «Škada, što, chacia Biełaruś naładziła dyjałoh z damoŭnymi orhanami AAN, my jašče raz atrymali infarmacyju, jakaja pakazvaje ab paharšeńni situacyi ŭ krainie. My zaniepakojenyja zakonami, jakija abmiažoŭvajuć hramadzianskija i palityčnyja pravy ŭ Biełarusi, u tym liku prava na svabodu schodaŭ i asacyjacyj, svabodu słova i mierkavańniaŭ «, — zajaviŭ pradstaŭnik Batsvany.
Jon zaklikaŭ Minsk pravieści rasśledavańnie vypadkaŭ užyvańnia katavańniaŭ da zatrymanych apazicyjanieraŭ, a taksama zaklikaŭ da paŭnavartasnaha supracoŭnictva z upraŭleńniem viarchoŭnaha kamisara pa pravach čałavieka, u pryvatnaści, da zabieśpiačeńnia dostupu ŭ krainu jaho pradstaŭnikoŭ.
Dyskusija pa Biełarusi pačałasia ŭ Ženievie 27 červienia i praciahvajecca siońnia. Pavodle jaje vynikaŭ budzie pryniataja rezalucyja, finalnaje hałasavańnie pa jakoj projdzie ŭ apošnija dni pracy siesii Savieta pa pravach čałavieka AAN, 5 abo 6 lipienia.
Kamientary