Rumas nie bačyć prablem u cikavaści Rasii da rostu ekspartu rastvaralnikaŭ

Biełaruski ŭrad nie bačyć prablem u cikavaści Rasii da rostu ekspartu ź Biełarusi rastvaralnikaŭ i razbavicielaŭ.

«U ramkach Mytnaha sajuza jany (rasijski ŭrad) bačać, što pa niekatorych pazicyjach u nas vyras ekspart. I jany hetaje pytańnie vyvučajuć. My taksama vyvučajem, čym jany zajmajucca. Nie baču tut nijakich prablem», — skazaŭ Rumas.

Miž tym, jak paviedamlałasia raniej, Minfin Rasii apasajecca, što Biełaruś pad vyhladam arhaničnych rastvaralnikaŭ ekspartuje naftu i naftapradukty. U pryvatnaści, 28 červienia namieśnik ministra finansaŭ RF Siarhiej Šatałaŭ zajaviŭ: «My sutyknulisia z tym, što ŭ niekalki razoŭ ź Biełarusi vyras ekspart arhaničnych rastvaralnikaŭ na źniešni rynak. My apasajemsia, što hety tavar — prykryćcio. Nie vyklučana, što pad vyhladam rastravalnikaŭ ekspartujucca naftapradukty».

Šatałaŭ padkreśliŭ, što rasijski bok raźbirajecca z hetaj infarmacyjaj i sprabuje pryniać adpaviednyja miery. «Budziem damaŭlacca ź biełaruskimi kalehami», — skazaŭ jon.

Namieśnik ministra finansaŭ RF nahadaŭ, što ciapier rasijski biudžet hublaje sur`ioznyja dachody, pakolki pry pastaŭkach nafty i naftapraduktaŭ unutry Mytnaha sajuza nie źbirajucca ekspartnyja pošliny.

«Havorka idzie pra mnohija miljardy dołaraŭ. Jość peŭnyja kampiensacyjnyja miechanizmy. Biełaruś pry eksparcie nafty i naftapraduktaŭ sa svajoj terytoryi pavinna źbirać ekspartnyja pošliny pa rasijskich staŭkach i pieraličvać ich u biudžet RF», — skazaŭ Šatałaŭ, dadaŭšy, što takaja miera tolki častkova kampiensuje straty rasijskaha biudžetu.

U adpaviednaści ź dziejnymi pahadnieńniami Biełaruś u abmien na biaspošlinnuju naftu i naftapradukty abaviazana pieraličvać u rasijski biudžet pošliny ad ekspartu naftapraduktaŭ za miežy Mytnaha sajuza. Letaś Rasii ŭ vyhladzie naftavych pošlin było pieraličana bolš čym 3 młrd. dołaraŭ. Adnak pry eksparcie razbavicielaŭ i rastvaralnikaŭ usia vyručka zastajecca ŭ Biełarusi, pošliny ŭ biudžet RF biełaruski bok nie płacić.

6 červienia na pres-kanfierencyi ŭ Minsku pasoł RF Alaksandr Surykaŭ zajaviŭ: rasijski bok źviarnuŭ uvahu na toje, što impart rasijskich naftapraduktaŭ Biełaruśsiu ŭ apošnija hady vyras u razy, u tym liku ŭ 2012 hodzie — u čatyry razy.

Praanalizavać situacyju z ekspartam naftapraduktaŭ ź Biełarusi daručyŭ profilnym viedamstvam prem`jer-ministr Rasii Dźmitryj Miadźviedzieŭ.

• 0
• 0
• 0
• 0
• 0
• 0
• 0
• 0