Deputaty pałaty pradstaŭnikoŭ na pasiadžeńni 29 červienia pryniali ŭ pieršym čytańni papraŭki ŭ Kodeks ab administracyjnych pravaparušeńniach, jakija praduhledžvajuć u tym liku pavieličeńnie štrafu za bieźbiletny prajezd.
Jak miarkuje dyrektar Nacyjanalnaha centra zakanadaŭstva i pravavych daśledavańniaŭ Vadzim Ipataŭ, dziejny pamier štrafu za bieźbiletny prajezd pasažyraŭ u hramadskim transparcie (0,2 bazavaj vieličyni -- 20 tys.) nie zabiaśpiečvaje papieradžalnuju funkcyju zakanadaŭstva ab administracyjnaj adkaznaści i abaronu zakonnych intaresaŭ pieravozčykaŭ, pra što śviedčyć tendencyja rostu takich pravaparušeńniaŭ. U suviazi z hetym zakonaprajekt praduhledžvaje pavieličeńnie pamieru štrafu za bieźbiletny prajezd u haradskim hramadskim transparcie z 0,2 da 0,5 bazavaj vieličyni, a ŭ pryharadnym hramadskim transparcie — z 0,5 da 0,7 bazavaj vieličyni.
Na siońnia pamier bazavaj vieličyni składaje 100 tys. rubloŭ.
Kamientary