Pra niemca Matyjasa Rusta, jaki ŭ 19 hadoŭ pieralacieŭ na svajoj maleńkaj «Seśnie» z Chielsinki ŭ Maskvu, kab pahavaryć z Harbačovym, zrabiŭšy takim čynam svoj układ u spravu miru, napisana vielmi šmat. Vakoł jaho stvorana vialikaje mnostva mifaŭ.
Matyjas Rust pad vartaj.
Ich pachodžańnie zrazumiełaje. Prosta
nie vierycca, što hety ščupły junak, amal padletak, biez starońniaj dapamohi, na svoj strach i ryzyku, dziela niejkaj niavyznačanaj «misii miru», moh tak lohka abniasłavić i zhańbić uzbrojenyja siły jadziernaj zvyšdziaržavy.Mienavita pradstaŭniki hetych uzbrojenych sił, jakija trapili ŭ śmiešnaje stanovišča, čaściej za ŭsio i sprabujuć apraŭdać svoj nieprafiesijanalizm. I p
raciahvajuć zapeŭnivać, što Rust byŭ tolki pieškaj, šrubkaj u apieracyi NATA, CRU, Pientahona ci navat… staršyni KDB Kručkova(apošni nibyta dziejničaŭ pa zadańni Harbačova, jaki šukaŭ padstavu, kab źniać ministra abarony i bravych hienierałaŭ SPA).
Padłodka dapamahaje Rustu
Spačatku aściarožnyja redaktary TASS (Telehrafnaje ahienctva Savieckaha Sajuza — Red.) jašče stavili pytalniki: «Ci nie pieraabstalavali samalocik Rusta padčas pramiežkavaj pasadki ŭ Isłandyi, jakaja, darečy, źjaŭlajecca čalcom NATA?
Ci nie byli kryły zroblenyja ź śpiecyjalnaha materyjału, jaki nie fiksujecca radaram?»Potym pajšli tolki kličniki.
«Niama nijakich sumnievaŭ, što palot Rusta byŭ staranna spłanavanaj pravakacyjaj zachodnich śpiecsłužbaŭ!» — biezapielacyjna zajaŭlaje, naprykład, hienierał armii Piotr Dziajniekin.Adna z samych fantastyčnych hipotez uklučaje ŭ lik vykanaŭcaŭ hetaj «spłanavanaj pravakacyi» navat ekipaž… padvodnaj łodki.
Ed Štuler, aŭtar novaj knihi pra Rusta, jakaja nazyvajecca «Kramloŭski piłot», padrabiazna raźbiraje samyja raspaŭsiudžanyja viersii. Tak, naprykład, isnuje namalavanaja žurnalistami schiema, pavodle jakoj Rust lacieŭ, aryjentujučysia na čyhunačnuju liniju Leninhrad — Maskva. Adpaviednyja padliki pakazvajuć, što ŭ jaho ŭ takim vypadku byŭ čas (až paŭtary hadziny!) na pasadku dzieści na terytoryi SSSR, kab zapravicca palivam dla dalejšaha palotu, — z dapamohaj saŭdzielnikaŭ, zrazumieła. I, darečy,
u Chielsinki, zhodna z pakazańniami śviedak, Rust byŭ u zialonaj kurtcy, a ŭ Maskvu prylacieŭ u čyrvonym kambiniezonie. Dzie ž heta jon pieraapranuŭsia?
U samalocie, viadoma. A da palotu nie nadziavaŭ kambiniezon (darečy, śpiecyjalna abranaha dla Maskvy čyrvonaha koleru), kab jaho nie zapeckać. I zapasu paliva ŭ «Seśnie» całkam chapała nie tolki na šeść hadzin palotu z Chielsinki da Maskvy, ale i na ŭsie vosiem. A samaje hałoŭnaje: nasamreč Rust lacieŭ našmat zachodniej ad čyhunačnaj haliny Leninhrad — Maskva, nad zabałočanaj miascovaściu, dzie i sieści było niaprosta…
«Sesna» sychodzić ad MIHaŭ
Ale i heta padazrona:
navošta adchilaŭsia ad takoha vydatnaha aryjenciru, jak čyhunka? Što vyhladaŭ? Rakietnyja bazy? Radarnyja ŭstanoŭki?Bo nad hetaj terytoryjaj prachodziać mierkavanyja trajektoryi amierykanskich kryłatych rakiet.
I čamu Rusta nie zafiksavali savieckija radary? Dakładniej, zafiksavali, a potym zhubili?Napeŭna, tamu, što jon lacieŭ na nizkaj vyšyni, jak vopytny
Rust śpiecyjalna lacieŭ na vialikaj vyšyni, kab jaho vyjavili, vyznačyli i nie źbili zduru, jak paŭdniovakarejski pasažyrski samalot za niekalki hadoŭ da hetaha.I jaho vyjavili! Ale
MiHi, što padnialisia ŭ pavietra, ubačyŭšy samalocik Rusta, nie atrymali zahadu pasadzić abo źbić jaho i viarnulisia na aeradrom.Darečy, paźniej najvyšejšaje načalstva VPS puściła «hulać» viersiju, što Rust zdoleŭ syści (!) ad źniščalnikaŭ — dziakujučy majsterskamu piłatavańniu. Heta chłapčuku, jaki nalotaŭ da taho času tolki paŭsotni hadzin!
U knizie «Kramloŭski piłot» pryvodzicca, siarod inšaha, fantastyčnaja viersija byłoha načalnika radyjotechničnych vojskaŭ pałkoŭnika Rudaka, jaki choć i znachodziŭsia ŭ adpačynku 28 traŭnia, ale ŭsio roŭna byŭ źniaty z pasady.
Ličycca, što łakatarščyki prapuścili Rusta, pryniaŭšy jaho malusieńki samalocik na ekranie radara za vobłaka(vobłačnaść tady była prystojnaja). Rudak ža vykazaŭ mierkavańnie, što heta byli nie abłoki, a tak zvanyja šary małoha pamieru, śpiecyjalna zapuščanyja, kab zabłytać SPA.
Dalej — bolej: ich «kučnaść» (šaroŭ, a nie abłokaŭ) jakraz dakazvaje, što zapuskali ich z adnaho miesca, a mienavita dzieści ŭ rajonie voziera Sielihier. A tam, miž inšym, 28 maja znachodziłasia hrupa zachodnieniamieckich turystaŭ. Niezdarma… Nu, a kab zapuścić hetyja zdradlivyja šary, dastatkova, maŭlaŭ, hazavaj zapalnički… «Śmiašniejšaha nie prydumaješ», — piša Štuler. Tamu što hazavyja zapalnički zapraŭlajuć prapanam abo butanam, jakija ciažejšyja za pavietra. Lahčejšyja hazy — hielij i vadarod. Ale ich, pa zrazumiełych pryčynach, u zapalnički nie zapampoŭvajuć. Hielij nie haryć, a sumieś vadarodu z kisłarodam utvaraje hrymučy haz, vielmi niebiaśpiečny nie tolki dla kurcoŭ.
I niemcy pasprabavali…
Dziela spraviadlivaści varta skazać, što kazki pra Rusta składali nie tolki bulvarnyja rasijskija žurnalisty. Niemcy (u pryvatnaści, časopisy Stern i Bunte) taksama ŭnieśli svaju dolu, i niemałuju. Ale da rasijskich «vykryvalnikaŭ» Rusta im daloka. Čaho tolki jany nie pišuć! Tak, adna z haziet abviaściła, što palot Rusta nibyta byŭ rekłamnaj akcyjaj. Maŭlaŭ, baćka «kramloŭskaha piłota» Dyter Rust pradavaŭ samalociki «Sesna», i popyt na ich rezka ŭpaŭ. I voś tady… Nasamreč baćku «kramloŭskaha piłota» zavuć
I kali b nie było palotu Rusta, usio heta, mahčyma, adbyłosia b značna paźniej i našmat bolš baluča.Skarystaŭšysia vydatnaj nahodaj, Harbačoŭ źniaŭ ministra abarony, a zaadno ci to paŭtary, ci to dźvie sotni hienierałaŭ, što supraciŭlalisia novaj palitycy razzbrajeńnia, rezka skaraciŭ vydatki
vajenna-pramysłovaha kompleksu, jakija pastavili krainu na miažu bankructva, «zharnuŭ» urešcie bieznadziejnuju vajnu ŭ Afhanistanie.
