Jak padaje niamieckaje ahienctva DPA, u muzei Marka Šahała ŭ Viciebsku z nahody jaho 125-hadovaha jubileju buduć pradstaŭleny tolki fatahrafičnyja repradukcyi jaho karcin.
Pavodle kiraŭnictva muzeju, aryhinały rabot hetaha vialikaha mastaka nie ekspanujucca na jahonaj radzimie ŭžo ad 2005 hodu.
Dla arhanizacyi pakazu karcin mastaka, jakija naležać zachodnim muzejam i pryvatnym kalekcyjaneram, niama hrošaj.Raniej u praviadzieńni padobnych vystavaŭ u Viciebsku dapamahali ambasady Niamieččyny i Francyi ŭ Biełarusi. Apošnim časam stasunki pamiž Mienskam i EZ istotna sapsavalisia.
* * *
Mark Šahał naradziŭsia 7 lipienia 1887 ŭ habrejskaj siamji na ŭskrajku Viciebsku.Značnuju častku dziacinstva pravioŭ u domie svajho dzieda ŭ miastečku Lijozna. Vyjaŭlenčamu mastactvu vučyŭsia ŭ mastackaj škole viciebskaha žyvapisca Juryja Pena. Potym pierajechaŭ u Pieciarburh.
Paśla revalucyi 1917 jon razam ź siamjoj viarnuŭsia ŭ Viciebsk, dzie jaho pryznačyli ŭpaŭnavažanym kamisaram pa spravach mastactva Viciebščyny. U rodnym horadzie jon stvaraje mastackuju akademiju, u jakuju zaprašaje talenavitych mastakoŭ-avanhardystaŭ, siarod jakich El Lisicki i Kazimir Malevič.
Stała ŭ Francyi Šahał žyŭ ad 1937. Da kanca žyćcia ( pamior 28 sakavika 1985) ŭ jaho tvorčaści, pavodle mastactvaznaŭcaŭ, prasočvajucca viciebskija matyvy.
Pieršaja vystava Šahała adbyłasia ŭ Biełarusi ŭ 1997 hodzie.
