Pavodle infarmacyi Ministerstva zamiežnych spravaŭ Biełarusi, 10 hramadzianaŭ Biełarusi, a taksama cieły biełaruskich lotčykaŭ, što zahinuli pry katastrofie samalota «Ił‑76» 23 sakavika, adpraŭlenyja z Samali.
Pavodle infarmacyi Ministerstva zamiežnych spravaŭ Biełarusi, 10 hramadzianaŭ Biełarusi, a taksama cieły biełaruskich lotčykaŭ, što zahinuli pry katastrofie samalota «Ił‑76» 23 sakavika, adpraŭlenyja z Samali.
Jak paviedamlajecca, śpiarša ŭ vyniku supolnaj aperacyi vajskoŭcaŭ Samali, Etyjopii i Ŭhandy biełaruskija hramadzianie i cieły zahinułych pad kanvojem miratvorčaha kantynhientu Afrykanskaha źviazu byli dastaŭlenyja na lotnišča vajskovaj bazy ŭ Balidaahle — za 100 kilametraŭ ad stalicy Samali Mahadyšu. Adtul samalotam rasiejskaj kampanii «Kantynentalnyja avijalinii» a 20.50 pavodle mienskaha času jany vylecieli ŭ kirunku Abjadnanych Arabskich Emirataŭ.
Pavodle infarmacyi MZS Biełarusi, na ciapierašni čas samalot nabraŭ dastatkovuju vyšyniu i vyjšaŭ ź niebiaśpiečnaha kalidoru. Prybyćcio samalota ŭ emirat Fudžejra (AAE) čakajecca blizka 4.00 pa mienskim časie.
Zhodna z papiaredniaj infarmacyjaj, stan evakuavanych hramadzianaŭ Biełarusi zdavalniajučy. Z Abjadnanych Arabskich Emirataŭ jany buduć dastaŭlenyja ŭ Biełaruś čarternym rejsam avijakampanii «Homielavija».
Kamientary