Dziaŭčynka z čarnobylskaj zony zahinuła ŭ Italii 7

U dalinie Udzone reljef harysty.

11-hadovaja Anhielina Sudalenka ŭpała z rovara i raźbiła hałavu ab kamieńnie. Viertalot «Chutkaj dapamohi» dastaviŭ jaje ŭ špital, ale adratavać dzicia nie ŭdałosia.

Strašnaja trahiedyja zdaryłasia a 17-j hadzinie ŭ minułuju sieradu.

Dziaŭčynka pryjechała ŭ Italiju z hrupaj dziaciej Čarnobyla na azdaraŭleńnie.

Jana trapiła ŭ siamju ŭ pravincyju Aści, što ŭ Pjemoncie, na paŭnočnym zachadzie Italii. Žyła jana ŭ dalinie Udzone, blizka miažy ź Italii z Francyjaj. Reljef tam harysty.

Dzieci pajechali na ravarovuju ekskursiju. I dziaŭčynka vypadkova źjechała z darohi pad abryŭ.

Na biadu, tam akazaŭsia kamianisty adchon hłybinioj 4,5 m. Kulajučysia, Hela niekalki raz udaryłasia hałavoj u vałuny.

Ekskursavodka kinułasia na ratunak, vyklikała karabinieraŭ-ratavalnikaŭ. Usio marna. Dzicia pamierła da prybyćcia ratavalnikaŭ z doktaram.

Viadziecca śledstva. Apytali i ekskursavodku, i siabroŭ-dziaciej.

Miascovaja presa piša, što ŭvahu śledčych pryciahnuŭ toj fakt, što ŭ miescy zdareńnia raniej na krai darohi stajała aharodžańnie-parenča, mietry čatyry ŭdoŭžki, ale ad staraści jana była pavaliŭšysia.

Kab zastavalisia tam parenčy, mo jany ŭratavali b maładoje žyćcio.

Siarhiej Hiezhała

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH