Dziŭnaja fantastyka-medytacyja z kankistadorami, sučasnym eliksiram nieŭmiručaści i dalokaj vandroŭkaj u kaśmičnaj sfery.
Fantan (Fountain)
ZŠA, 2006, kalarovy, 96 chv.
Režyser: Daren Aranofski
Roli vykonvajuć: Hju Džekman, Rejčeł Ŭejs, Marčeła Biezina, Alaksandar Biśpinh, Klif Kiertys, Šon Hulet
Žanr: Fantastyka-medytacyja
Adznaka: 6 (z 10)
Navukoviec Tomi sprabuje znajści leki, kab vyratavać chvoruju na rak žonku. Žančyna tymčasam składaje knihu pra kankistadora, jaki šukaje Dreva žyćcia; a ŭ dalokim pryšłym kasmanaŭt-budyst vandruje da vytokaŭ isnaha. Usie hetyja historyja pieraplecienyja, składajuć adzinaje cełaje – i paznačanyja Hju Džekmanam u zahałoŭnaj roli.
Eksperymentar Daren Aranofski paśla šalnoha tryźnieńnika “Pi” i z zachapleńniem uspryniataha moładździu “Rekvijema ab mary” zrabiŭ chaładnavataju fantastyku-medytacyju. Hetaja fantastyka davoli niestandartnaja, kab pryvabić u kinateatr dumańnikaŭ i davoli statyčnaja – kab hledačoŭ z kinateatraŭ vyhnać.
Ale film Aranofskaha – nie siužet, a archietypy: Dreva žyćcia, kołazvarot śmierci j naradžeńnia, viečnaja luboŭ. Art-haŭzna aformlenyja archietypy z vadka-kaśmičnymi dekaracyjami j kičavaj levitacyjaj Hju Džekmana – prystasavanyja da dziavočaj aŭdytoryi; a budyska-indejskaja mistyka zadaje (płoska, ale vidoviščna) relihijna-filazofskaje vymiareńnie.
Chto zanudzicca na stužcy – niachaj dačakajecca finalnych scenaŭ: kvietki, jakija prarastajuć z čałaviečaha cieła, sapraŭdy, uražvajuć.
Fota z sajtu www.cinemastrikesback.com
Kamientary