«Dynama» i Miezin rasstalisia ŭ vyniku «pa pahadnieńni bakoŭ» 2

Chakiejny kłub «Dynama» (Minsk) i varatar Andrej Miezin rasstalisia pa pahadnieńni bakoŭ, paviedamiła 25 lipienia pres-słužba kłuba. Heta aznačaje, što spartsmien nie pavinien vypłačvać kampiensacyju, pakolki raniej kłub pryniaŭ rašeńnie daterminova skasavać kantrakt.

«U suviazi ź nievykanańniem kantraktnych abaviazacielstvaŭ pierad CHK „Dynama“ (Minsk) u zbornaj Biełarusi, što vyraziłasia ŭ samavolnym adjeździe ź jaje raźmiaščeńnia padčas čempijanatu śvietu-2012, kirujučysia art. 29 i 32 Pravavoha rehłamientu KCHŁ, p. 5 art. 42 Pracoŭnaha kodeksa Respubliki Biełaruś, kłub pryniaŭ rašeńnie ab daterminovym skasavańni kantrakta z Andrejem Miezinym na padstavach, jakija adnosiacca da dyscyplinarnych spahnańniaŭ», — havaryłasia ŭ pres-relizie ad 23 lipienia.

Hienieralny dyrektar «Dynama» Alaksiej Torbin zajaviŭ: «U adpaviednaści z zakanadaŭstvam kančatkovy termin pryniaćcia rašeńnia pa kantrakcie Andreja Miezina — 23 lipienia. Pakolki da 9.00 hetaha dnia baki nie damovilisia pa šerahu pryncypovych pytańniaŭ, to kłubam było pryniata rašeńnie, ab jakim abjaviŭ sajt. Adnak u hety ž dzień, paśla zvarotu Andreja Miezina ŭ CHK „Dynama“, baki viarnulisia da pieramoŭ, pa vynikach jakich viečaram 23 lipienia kłubam było pryniata novaje rašeńnie. U adpaviednaści ź im Andrej Miezin pakidaje kłub pa pahadnieńni bakoŭ biez uzajemnych kampiensacyj adzin adnamu. Paviedamleńnie ab hetym pa ŭzajemnaj damoŭlenaści robicca siońnia (25 lipienia). Ličym, što hetaje rašeńnie adpaviadaje intaresam jak samoha hulca, tak i nacyjanalnaj zbornaj».

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH