Ale praź śviatłodyjodny ekran.
Inicyjatyva biełaruskich fanataŭ papularnaha rok-hurta «Lapis Trubiacki» pravieści jaho kancert u miežach rodnaj krainy dajšła i da samich muzykaŭ kalektyvu. Praŭda, staviacca jany da jaje davoli skieptyčna. Nahadajem, hrupa ŭ sacyjalnaj sietcy «Vkontaktie» «Stop Łuka» abviaściła ab starcie kampanii «Lapis - pryjazdžaj dadomu!». Aktyvisty zmahajucca suprać dyskryminacyi muzyčnaha hurta ŭ Biełarusi.
Karespandent TUT.BY datelefanavaŭsia da kiraŭnika Tvorčaha abjadnańnia «Dzieci sonca» (mienavita pad jaho ehidaj pracuje «Lapis Trubiacki») Jaŭhiena Kałmykova.
- Naohuł davoli dziŭna, što pra takuju inicyjatyvu my daviedalisia nie ad samich inicyjataraŭ, a sa ŚMI, - skazaŭ Jaŭhien. - Davajcie pasprabujem zmadelavać situacyju. Naprykład, źbiaruć hetyja chłopcy 100 tysiač achvotnych. A što dalej?
A dalej - adny pytańni. Jak pa techničnaj častcy, tak i pa arhanizacyjnaj. Chto jany takija? Ci jość u ich vopyt arhanizacyi kancertaŭ na adkrytym pavietry dla takoj vializnaj aŭdytoryi? Ci majecca nieabchodnaje abstalavańnie? Jakoje kancertnaje ahienctva budzie za heta adkazvać? Pad čyimi ściahami heta budzie adbyvacca? Ci atrymany dazvoł na praviadzieńnie mierapryjemstva? Narešcie, dzie mienavita płanujecca jaho pravieści?
Na ŭsie hetyja pytańni, - kaža Ja.Kałmykoŭ, - chaciełasia b atrymać adkazy niepasredna ad tych, chto vyłučyŭ dadzienuju inicyjatyvu. Kali my pierakanajemsia, što majem spravu z prafiesijanałami, ludźmi, sapraŭdy zdolnymi na praktycy dasiahnuć dekłaravanaj mety, tady ŭžo možna budzie abmiarkoŭvać i niejkija kankretnyja płany.
Inakš možna vieści razmovu tolki ab niejkim virtualnym mierapryjemstvie. Darečy,
zusim chutka, 29 žniŭnia, u Kaktebiele projdzie kancert-prezientacyja našaha novaha alboma «Rabkor». Sa svajho boku ja hatovy pajści chłopcam nasustrač i technična zabiaśpiečyć jaho pramuju videatranślacyju.Kali jany zmohuć pryniać jaje ŭ Miensku i arhanizavana pakazać, skažam, na vialikim ekranie Kastryčnickaj płoščy stalicy abo na manitorach ŭ mienskim mietro - značyć, jany sapraŭdy na niešta zdolnyja. Tady ŭžo možna budzie vieści razmovu nie pra virtualny kancert, a pra realny. Padkreślivaju - tolki razmovu.
Tym časam kolkaść prychilnikaŭ inicyjatyvy, vyłučanaj u adpaviednaj hrupie sacyjalnaj sietki «Vkontaktie», patrochu raście. Na momant hutarki ź Jaŭhienam Kałmykovym žadajučych schadzić na biaspłatny kancert Lapisa nabrałasia (kali sumavać adkazy «dakładna pajdu» i «mahčyma, pajdu») užo 36.252 čałavieki.Ci prymuć aŭtary inicyjatyvy prapanovu Jaŭhiena spačatku «patreniravacca» u praviadzieńni masavaha kancerta na internet-tranślacyi z ukrainskaha Kaktebiela - pakul nie jasna. Roŭna jak nie zrazumieła i toje, ci atrymajecca heta na praktycy navat u vypadku ich zhody.
Kamientary