Hatelny biznes z časoŭ SSSR trymaŭsia ŭ rukach miascovych uładaŭ. U kožnym rajcentry znachodzilisia maleńkija haścinicy, časam z vyhodami na paviersie, jakija cełyja dziesiacihodździ nie bačyli ramontu. «Kamandzirovačnym», jakija składali asnoŭnuju aŭdytoryju haścinic, takich umovaŭ było dastatkova, adnak biznes novaha pakaleńnia maje vyšejšyja patrabavańni.
Hrošaj u dziaržavy na stvareńnie sučasnych novych hatelaŭ nie było, tamu spravu padchapili biełaruskija miljaniery.Pryčym cikavić ich budaŭnictva nie tolki ŭ stalicy, ale i ŭ rehijonach. «Naša Niva» skłała śpis samych prezientabielnych pryvatnych hatelaŭ krainy. My padajem dla kožnaha ź ich minimalny košt numara na dvuch čałaviek.
1. «Mirski zamak»
Košt numara - 720 tysiač rubloŭ
 |
Unikalny zamkavy hatel u Miry naležyć kampanii «Trajpł» Juryja Čyža.U im usiaho 15 numaroŭ, ale jakija — ź sistemaj klimatkantrolu, ciopłymi padłohami i džakuzi. Adzin z pakojaŭ navat nazvany «prezidenckim». I choć u hatel mohuć zasialicca tolki 29 čałaviek, «Mirski zamak» karystajecca papularnaściu. Naprykład, na navahodnija kanikuły jaho całkam vykupili rasijcy. Pry hetym ceny nie vyhladajuć zanadta vysokimi, kali ŭličyć charastvo miesca. Ad 70 jeŭra na dvaich — ale za niezabyŭnuju noč.
2. Robinson Club (Ratamka, Minski rajon)
Košt numara – 1,6 miljona rubloŭ
 |
Jašče adzin miljanier, haspadar «Karony» i «Tytuń-Inviesta», a pa sumiaščalnictvie — kiraŭnik adnoj z učastkovych vybarčych kamisij Pavieł Tapuzidzis letaś adkryŭ svoj kłub na bierazie Minskaha mora.
U składzie «Robinsan-Kłuba» — kancertnaja placoŭka, restaran, spacentr i viertalotny kłub. Paśla vystupleńnia lubimaha hurtu možna i zanačavać.U hateli 51 numar. Košt na dvaich vahajecca ad 1,6 miljona rubloŭ za standartny numar da 5 miljonaŭ rubloŭ za dvuchpakajovyja prezidenckija apartamienty.
3. Crowne Plaza (Minsk)
Košt numara – 1,74 miljona rubloŭ
 |
72-hadovy turecki miljarder Sudzi Askan pabudavaŭ piacizorkavy hatel na radzimie svajoj žonki, 32-hadovaj Kaciaryny Šulkievič.Darečy, letaś para raźviałasia.
Šykoŭnaja «Kraŭn Płaza» paŭstała na miescy histaryčnaj haścinicy «Śvisłač» nasuprać stadyjona «Dynama» i stała druhim hatelem z takoj kolkaściu zorak paśla municypalnaj «Jeŭropy». U 115 numaroŭ «Kraŭn Płazy» mohuć zasialicca 227 turystaŭ.
4. «Ermitaž» (Brest)
Košt numara – 884 tysiačy rubloŭ
 |
Adkryty letaś u Breście čatyrochzorkavy hatel Hermitage («Ermitaž») staŭ svojeasablivaj daninaj rodnamu horadu rasijskaha biznesoŭca Uładzimira Mikulika.Jon — suŭładalnik kampanii «Ałtek», jakaja zajmajecca naftaj, hazam i nieruchomaściu. Sa svaimi $500 miljonami Mikulik staić na miažy śpisu 200 samych bahatych rasijcaŭ.
Trochpaviarchovy «Ermitaž» paŭstaŭ na miescy byłoj aficerskaj haścinicy i vykanany ŭ styli davajennaha maderna. Jon maje 55 numaroŭ.
5. «Siamaška» (Hrodna)
Košt numara – 660 tysiač rubloŭ
 |
Biełaruski palak Stanisłaŭ Siamaška ličycca adnym z samych bahatych ludziej Hrodna. Pačaŭšy bizneskarjeru ŭ Ščučynie, dzie jamu naležyć hatel «Elen», jon u siaredzinie 1990-ch pierabraŭsia ŭ abłasny centr. Tam jamu naležać hatel «Siamaška», budaŭničaja kampanija «Rembudmantaž» i prajektnaja arhanizacyja «Jeŭraprestyž».
Aproč taho,
Siamaška na praciahu 2009-2012 hadoŭ uznačalvaŭ pradziaržaŭny Sajuz palakaŭ.
Jahony trochzorkavy hatel «Siamaška» składajecca ź niekalkich karpusoŭ, pieršy ź jakich byŭ pabudavany ŭ 2003 hodzie. Ahułam jany majuć 41 numar na 78 čałaviek.
6. «SłavinaSport» (Žłobin)
Košt numara – 265 tysiač rubloŭ
 |
Trochzorkavaja «SłavinaSport» u Žłobinie naležyć kampanii «Junviest-M» rasijska-biełaruskaha miljaniera Anatola Tarnaŭskaha.Darečy, u budynku pracuje i jahonaja piceryja «Limančeła».
Piacipaviarchovy hatel źmiaščaje 29 numaroŭ dla 76 haściej.
7. «Viesta» (Dziaržynski rajon)
Košt numara – 830 tysiač rubloŭ
 |
U biznes-impieryju "Viesta" ŭ Dziaržynskim rajonie ŭvachodziać zapraŭki, a taksama spartyŭna-azdaraŭlalny kompleks.
Trochzorkavaja «Viesta» na trasie Minsk — Brest pad Dziaržynskam źjaŭlajecca, pa sutnaści, prydarožnym matelem, adnak ceny na pražyvańnie tut bolšyja, čym u Mirskim zamku.Zrešty, tut znachodzicca ceły kompleks, jaki składajecca z sanatoryja, miedycynskaha centra, tenisnych kortaŭ, futbolnaha pola. Ciapier pobač z hatelem pačałosia budaŭnictva jašče i horki dla katańnia na łyžach.
