ABC News: ZŠA tajemna padtrymlivajuć terarystaŭ u Iranie

ZŠA tajemna akazvajuć infarmacyjnuju i maralnuju padtrymku źviazanaj z «Al‑Kaidaj» separatysckaj hrupoŭcy ŭ Pakistanie, jakaja viadzie terarystyčnuju dziejnaść na terytoryi Iranu.

Jak paviedamiŭ kanał ABC News u aŭtorak z spasyłkaj na krynicy ŭ amerykanskich i pakistanskich spesłužbach, havorka idzie pra hrupoŭku «Džandałach», kolkaść bajevikoŭ u jakoj, pavodle źviestak eksperta centra imia Niksana Aleksisa Debata składaje niekalki sotniaŭ čałaviek, bazy jakoj mieściacca ŭ pravincyi Bełudžystan na zachadzie Pakistanu, a dziejnaść viadziecca ŭ adnajmiennaj pravincyi na ŭschodzie Iranu.

ABC News śćviardžaje, z spasyłkaj na krynicu ŭ pakistanskim uradzie, što terarystyčnaja kampanija suprać Iranu abmiarkoŭvałasia na sustrečy vice‑prezydenta ZŠA Dzika Čejni z prezydentam Pakistan Pervezam Mušarafam sioleta ŭ lutym. Čejni j jahonyja słužboŭcy pakul nijak nie adreahavali na prośbu Reuters prakamentavać repartaž.

Pavodle źviestak telekanału, padčas rejdaŭ na terytoryju Iranu bajevika hrupoŭki ŭčynili niekalki teraktaŭ suprać iranskich vajskoŭcaŭ i čynoŭnikaŭ, a taksama zachapili iranskich sałdat i pamiežnikaŭ, videazapisy ź jakimi demanstravalisia ŭ etery ABC. Aproč taho, adzin z pravadyroŭ hrupoŭki Abdel‑Malik Rehi ćvierdzić, što asabista karaŭ irancaŭ, pryčym hetyja kary taksama byli zapisanyja na videa; u etery takija zapisy nie demanstravalisia.

Krynica ŭ amerykanskim uradzie paviedamiła, što ZŠA naŭprost nie finansujuć hrupoŭku, adnak padtrymlivajuć dobryja suviazi z Rehi. Aficyjna ZŠA śćviardžajuć, što vykarystoŭvali atrymanyja ad isłamistaŭ «Džandałacha» źviestki dla adsočvańnia pieramiaščeńniaŭ vysokapastaŭlenych členaŭ «Al‑Kaidy». Akramia taho, amerykanski ŭrad admaŭlaje, što sama hrupoŭka źviazanaja z terarystyčnaj arhanizacyjaj Usamy bien Ładena. CRU zajaviła, što pakazany pa ABC repartaž «niasłušna adlustroŭvaje rečaisnaść».

Razam z tym, jak śćviardžaŭ raniej pakistanski druk, «Džandałach» uźnikła ŭ vyniku palityki pakistanskaha ŭradu pa vykaranieńni «džychadzizmu» ŭ krainie, padčas jakoj začynialisia relihijnyja centry j medrese. Takim čynam, mnostva radykalnych sunitaŭ apynulisia ŭ vyniku ŭdzielnikami nasamreč terarystyčnaj hrupoŭki.

Pavodle źviestak Debata, raniej Rehi zmahaŭsia poruč z bajevikami ruchu «Taliban». Aproč taho, ekspert abvinavaciŭ lidera hrupoŭki ŭ narkahandli. Da taho ž, «Džandałach» uziała na siabie adkaznaść za padryŭ aŭtobusa z čalcami iranskaj revalucyjnaj hvardyi ŭ horadzie Zachiedan sioleta ŭ lutym. Tady zahinuli 11 čałaviek.

«Hazieta.Ru»

• 0
• 0
• 0
• 0
• 0
• 0
• 0
• 0