Rasśledavańnie pa spravie staršyni nahladalnaha savieta AAT «Technabank» Uładzisłava Kacarenki pradoŭžana da 9 vieraśnia, paviedamili ŭ Śledčym kamitecie Biełarusi.
Na siońniašni dzień akramia abvinavačvanaha Kacarenki pa spravie prachodziać jašče dzieviać padazronych. Vykryty dadatkovyja fakty jaho niezakonnaj finansavaj dziejnaści, skazali ŭ SK.
Nahadajem, Kacarenka byŭ zatrymany 2 sakavika hetaha hoda. Tady jamu było vystaŭlena abvinavačańnie pa častcy 6 artykuła 16 i častcy 2 artykuła 243 Kryminalnaha kodeksa. U dačynieńni da Kacarenki vybrana miera strymańnia ŭ vyhladzie źmiaščeńnia pad vartu. Na majomaść nakładzieny aryšt.
Jak paviedamiŭ 15 sakavika žurnalistam načalnik śledčaha ŭpraŭleńnia ŭpraŭleńnia Śledčaha kamiteta pa Minsku Jaŭhien Archirejeŭ, Kacarenka abvinavačvajecca ŭ tym, što akazvaŭ sadziejańnie słužbovym asobam va ŭchileńni ad vypłaty padatkaŭ. «Pry dapamozie padkantrolnych iłžepradprymalnickich struktur, zarehistravanych u Biełarusi i Rasi, jakija majuć rachunki ŭ prybałtyjskich bankach, jon akazvaŭ sadziejańnie va ŭchileńni ad vypłaty padatkaŭ, dajučy rekvizity, padroblenyja dakumienty», — skazaŭ pradstaŭnik USK pa Minsku.
Pavodle jaho słoŭ, Kacarenka byŭ zatrymany ŭ miežach rasśledavańnia kryminalnaj spravy ŭ dačynieńni da šerahu kiraŭnikoŭ pryvatnych kampanij, jakija ŭchililisia ad vypłaty padatkaŭ u asabliva bujnym pamiery. Škoda dziaržavie aceńvajecca bolš jak u 7 miljardaŭ rubloŭ. Złačynstvy ŭčynialisia na praciahu čatyroch hadoŭ.
U krasaviku paviedamlałasia, što pa spravie Kacarenki prachodziać 16 čałaviek.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary