Rasśledavańnie hučnaj kryminalnaj spravy zavieršana.
Śledčym kamitetam Biełarusi zavieršana rasśledavańnie kryminalnaj spravy ŭ dačynieńni da byłoha piedahoha-psichołaha adnoj ź minskich škoł, jaki abvinavačvajecca va ŭčynieńni złačynstvaŭ, praduhledžanych art. 168 (pałavyja znosiny i inšyja dziejańni sieksualnaha charaktaru z asobaj, jakaja nie dasiahnuła šasnaccacihadovaha ŭzrostu), č. 3 art. 167 (hvałtoŭnyja dziejańni sieksualnaha charaktaru ŭ dačynieńni da zaviedama małaletnich), č. 2 art. 343 (vyrab i raspaŭsiudžvańnie parnahrafičnych materyjałaŭ) Kryminalnaha kodeksa.
Jak paviedamili ŭ Śledčym kamitecie, achviarami 22-hadovaha abvinavačanaha stali bolš jak 10 padletkaŭ. I, mahčyma, heta nie kančatkovy śpis. Pry hetym hieahrafija jaho "dziejnaści" raspaŭsiudžvałasia nie tolki na Minsk, ale i na inšyja harady krainy.
Piedahoh byŭ zatrymany 3 lutaha 2012 hoda.
Ustanoŭlena, što na praciahu 2008 hoda — lutaha 2012 hoda abvinavačany ŭčyniaŭ akty piederastyi i inšyja dziejańni sieksualnaha charaktaru ŭ dačynieńni da małaletnich i niepaŭnaletnich asob mužčynskaha połu, a taksama demanstravaŭ im videastužki parnahrafičnaha źmiestu. Sa svaimi achviarami jon znajomiŭsia na dziciačych placoŭkach, stadyjonach.
U šerahu vypadkaŭ abvinavačvany znajomiŭsia z baćkami paciarpiełych, farmirujučy łžyvaje ŭjaŭleńnie pra toje, što stavicca da ich dziciaci jak starejšy siabar, što raźbirajecca ŭ dziciačaj psichałohii.
Padčas śledstva było praviedziena bolš jak 100 dopytaŭ, atrymany zaklučeńni psichołaha-psichijatryčnych i sieksałahičnych kompleksnych, a taksama kryminalistyčnych ekśpiertyz.
Svaju vinu va ŭčynieńni złačynstvaŭ abvinavačvany nie pryznaje.
U dačynieńni da jaho ŭžyta miera strymańnia ŭ vyhladzie źmiaščeńnia pad vartu. Materyjały kryminalnaj spravy pieradadzieny ŭ Hienieralnuju prakuraturu dla vyrašeńnia pytańnia pra nakiravańnie ich u sud.
Z metaj likvidacyi pryčyn i ŭmoŭ ŭčynieńnia hetaha złačynstva Śledčym kamitetam padrychtavana pastanova ŭ Ministerstva adukacyi z ukazańniem peŭnych mier, nieabchodnych dla niedapuščeńnia ŭčynieńnia padobnych złačynstvaŭ. U pryvatnaści, prapanujecca ŭnieści źmianieńni ŭ dziejny paradak i ŭmovy padboru kvalifikavanych kadraŭ va ŭstanovy adukacyi i pryznačeńnia ich na pasady.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary