Dźvie traciny siońniašnich studentaŭ žyvuć u Biełarusi.
Zavieršanaje nadoječy apytańnie vypusknikoŭ 2011 hoda Jeŭrapiejskaha humanitarnaha ŭniviersiteta (EHU) zaśviedčyła, što kala pałovy vypusknikoŭ paśla zakančeńnia navučańnia ŭ EHU viarnulisia ŭ Biełaruś.
49% vypusknikoŭ 2011 hoda (103 z ahulnaj kolkaści 210 vypusknikoŭ) žyvuć u Biełarusi, 18% miescam svajho žycharstva abrali Litvu, jašče 18% — inšyja krainy.
Pryviedzienyja vyšej źviestki śviedčać, što trend, jaki naziraŭsia padčas apytańniaŭ vypusknikoŭ EHU 2009 i 2010 hh., zastaŭsia niaźmiennym. 49% studentaŭ EHU, apytanych paśla zakančeńnia ŭniviersiteta ŭ 2010 hodzie, paviedamili, što žyvuć u Biełarusi. Siarod vypusknikoŭ 2009 h. hety pakazčyk skłaŭ 40%. Kala 15% vypusknikoŭ z abiedźviuch vyšejzhadanych hrup adznačyli, što paśla zakančeńnia ŭniviersiteta zastajucca ŭ Litvie, a kala 19% nazvali inšyja krainy žycharstva. U 2009 hodzie na apytańnie adkazaŭ 71% vypusknikoŭ, a ŭ 2010 i 2011 hh. pracent apytanych skłaŭ bolš za 85%.
Dźvie traciny ciapierašnich studentaŭ EHU žyvuć u Biełarusi, karystajučysia pieravahami kursaŭ dystancyjnaha navučańnia, što prapanujucca EHU.Kala 700 ciapierašnich studentaŭ znachodziacca ŭ Vilni (Litva) i navučajucca na dzionnaj formie, naviedvajučy zaniatki ŭ navučalnym korpusie.
- Jeŭrapiejski humanitarny ŭniviersitet – pryvatny, niekamiercyjny ŭniviersitet, zasnavany ŭ Minsku ŭ 1992 hodzie. Paśla zakryćcia ŭ Biełarusi ŭ 2004 hodzie EHU praciahnuŭ svaju pracu ŭ Vilni. Sioleta ŭniviersitet adznačaje svajo 20-hodździe.
- Na ciapierašni momant u EHU navučajucca bolš za 1800 studentaŭ, pieravažna ź Biełarusi. EHU prapanuje mahčymaści dystancyjnaha i dzionnaha navučańnia na bakałaŭrskich, mahistarskich i doktarskich prahramach, spryjaje prasoŭvańniu navukovaj dziejnaści ŭ halinie humanitarnych i sacyjalnych navuk.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary