«Rośsielchoznadzor» staŭsia pryładaju, z dapamohaj jakoj rasiejcy abyšli tolki što, 23 sakavika, padpisanyja pahadnieńni ab admienie abmiežavańniaŭ ŭ handli.
«Rośsielchoznadzor» staŭsia pryładaju, z dapamohaj jakoj rasiejcy abyšli tolki što, 23 sakavika, padpisanyja pahadnieńni ab admienie abmiežavańniaŭ ŭ handli.
Rasiejskija veterynary dali dazvoł na pastaŭku miasa tolki trom biełaruskim pradpryjemstvam z 26 isnujučych. Ščaśliŭcami stalisia Słucak, Stoŭpcy i Biełavieža. Ź ich tolki Słucki miasakambinat bujny.
Saŭhas «Biełavieski» specyjalizujecca na hadoŭli i pierapracoŭcy śviniej, staŭpiecki nia tak daŭno pierabudavany pad vypusk kiłbasnych vyrabaŭ.
U lik abranych nia trapili takija hihanty, jak Haradzienski, Bieraściejski, Vaŭkavyski, Mienski, Biarozaŭski, Viciebski, Barysaŭski, Babrujski miasakambinaty.
U Rasieju ž vyhodna pastaŭlać jałavičynu, dyj toje, paśla studzieńskich dziaržaŭnych padvyšak cenaŭ na zakup skaciny i padzieńnia cenaŭ na rasiejskim rynku prybytkovaść źniziłasia, navat časam až da stratnaści. Ale ž usie kambinaty trymalisia za toj ekspart, bo biełaruski rynak pieranasyčany, a na zachad darohi pakul niama.
Havorka pra nievykanańnie sanitarnych standartaŭ na našych pradpryjemstvach, biezumoŭna, nadumanaja. Bolšaść ź ich maje mižnarodny standart ISO 9001, jakomu rasiejcy «raptam» pierastali davać viery.
Kali abmiežavańni nia buduć admienieny, straty čakajuć i našu sielskuju haspadarku — pojduć dołu zakupki bydła, marožanyja tušy buduć visieć u ladoŭniach miasakambinataŭ miesiacami. «Rośsielchoznadzor» staŭsia toj pryładaju, z dapamohaj jakoj rasiejcy abyšli tolki što, 23 sakavika, padpisanyja pahadnieńni ab admienie abmiežavańniaŭ ŭ handli.
Dola biełaruskich pastavak składała na rasiejskim rynku kala 6%. Jašče kala 12% išło z Ukrainy. Rešta ekspartnaha miasa — heta marožanyja tušy arhientynskich bizonaŭ i aŭstralijskich kienhuru.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary