Biełaruś i Rasija nie abmiarkoŭvajuć siońnia płany pa raźmiaščeńniu rakiet siaredniaj dalokaści na biełaruskaj terytoryi ŭ vyhladzie adekvatnaha adkazu na raźmiaščeńnie amierykancami elemientaŭ sistemy procirakietnaj abarony na terytoryi Polščy i Čechii. Ab hetym zajaviŭ siońnia prezident Biełarusi Alaksandr Łukašenka, adkazvajučy na pytańni žurnalistaŭ u čas rabočaj pajezdki pa Bresckaj vobłaści.
Kamiencirujučy źmieščanuju ŭ rasijskich ŚMI tak zvanuju kartu adekvatnaha adkazu amierykancam, dzie abaznačany miescy raźmiaščeńnia rasijskich rakiet siaredniaj dalokaści na terytoryi Biełarusi, Alaksandr Łukašenka adznačyŭ: «Ja pra takija płany nie viedaju, i my ich nie abmiarkoŭvali». «Chutčej za ŭsio, — skazaŭ prezident, — heta pijar, jak zvyčajna byvaje ŭ Rasii, i pijar niaŭdały. Siońnia treba nie pijaryć na hetych pytańniach, a spakojna sadzicca dvum prezidentam i prymać rašeńni ab tym, što budziem rabić».
Pry hetym Alaksandr Łukašenka padkreśliŭ, što «biez prezidenta Biełarusi nichto nie maje prava ŭvieźci ŭ respubliku i zvyčajnuju rakietu, a nie toje što ź jadziernym načynkaj».
«Dumaju, situacyja padšturchoŭvaje da taho, što my z prezidentam Rasii siadziem i akuratna abmiarkujem hetyja prablemy. Ale pakul takoha rašeńnia niama», — skazaŭ kiraŭnik dziaržavy.
Prezident padkreśliŭ, što biełaruskaja armija adkaznaja na zachodnim napramku za biaśpieku Sajuznaj dziaržavy. «Z nas hetu adkaznaść nichto nie zdymaŭ, i my ŭ adnabakovym paradku, jak heta robić Rasija pa nafcie i hazu, z dahavoraŭ vychodzić nie budziem. Heta naša zadača — zabiaśpiečyć biaśpieku biełaruskaha i rasijskaha narodaŭ na hetym napramku. I my z hetaha punktu hledžańnia hladzim na raźmiaščeńnie elemientaŭ amierykanskaj sistemy PRA u Čechii i Polščy», — dadaŭ biełaruski lider.‑0‑
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary