Dziejnaść biełaruskaha boku pa dyviersifikacyi pastavak enierharesursaŭ nie nakiravana suprać Rasii. Hety fakt padkreśliŭ siońnia Alaksandr Łukašenka. «My chacieli b supracoŭničać z Rasijaj u płanie pastavak enierharesursaŭ i ŭ dalejšym, tamu što heta samy vyhadny viektar na siońniašni dzień. Jon vyhadny i Biełarusi, i Rasii. Ale kali nas i ŭ dalejšym buduć tak «nachilać», to my budziem vymušany mieć roznyja varyjanty dziejańniaŭ», — padkreśliŭ kiraŭnik dziaržavy.
Pavodle słoŭ Alaksandra Łukašenki, rasijanie ŭžo zrazumieli, što Biełaruś moža zamiaścić rasijskuju naftu pastaŭkami ź inšych krain. «Ale samaje strašnaje dla rasijan nie toje, što my ŭ ich 20 młn.t nafty nie kupim, a toje, što jany nie pierapracujuć svaju naftu na biełaruskich zavodach. A jašče bolš strašna — jany mohuć stracić rynak u centry Jeŭropy», — padkreśliŭ prezident.
Pavodle jaho słoŭ, za rynak naftapraduktaŭ siońnia idzie surjoznaja baraćba. «My ni ŭ jakim vypadku nie sprabujem «pakazać» i jak ryčah vykarystoŭvać našu dziejnaść pa dyviersifikacyi pastavak enierharesursaŭ suprać Rasii. Nie. Ja ščyra kažu: nam pakul vyhadna z Rasijaj pracavać i supracoŭničać u hetym napramku. Dumaju, što rasijanie nie nastolki nierazumnyja, kab prymusić nas pryvozić siudy čyju‑niebudź naftu i pierapracoŭvać. Heta va ŭron Rasii, strata rasijanami svaich rynkaŭ», — padkreśliŭ prezident.
Alaksandr Łukašenka paviedamiŭ, što pa prośbie Abjadnanych Arabskich Emirataŭ respublika razhladaje mahčymaść budaŭnictva ŭ Biełarusi jašče adnaho bujnoha naftapierapracoŭčaha zavoda. «My padumajem ab hetym. U nas na naftavym rynku niama karupcyi. Dapuścim, zaŭtra my prymiem rašeńnie ab budaŭnictvie bujnoha NPZ na hrošy arabaŭ, Irana, tych, chto siońnia maje resursy. I jany zojmuć hety rynak», — skazaŭ biełaruski lider. Pry hetym kiraŭnik dziaržavy dadaŭ, što Biełaruś «pavodzić siabie pa‑čałaviečy ŭ adnosinach z Rasijaj». «Napeŭna, nam nie daviadziecca zachodzić tak daloka ŭ sprečkach z Rasijaj, kab pavodzić siabie takim čynam. Ale varyjantaŭ siońnia ŭ nas bolš, čym było raniej», — dadaŭ jon.‑
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary