Vyjšaŭ relihijny zbornik, u jakim abjadnanyja tvory pravasłaŭnych, katalikoŭ dy ŭnijataŭ.
12‑j knihaj u seryi «Biblijateka Zhurtavańnia biełarusaŭ śvietu «Baćkaŭščyna» — zasnavanaja ŭ 2004 h. — staŭ zbornik «Adzin Hospad, adna viera, adzin Chrost».
Adzin Hospad, adna viera, adzin Chrost / Ukł., pradm. A. Lubiča; biblijahr. Ł. Jureviča. — Minsk: Knihazbor, 2007. — 336 s. (Biblijateka Baćkaŭščyny; kn. 12).
Układalnik knihi Andrej Lubič tłumačyć u pradmovie nazvu knihi: «Adzin Hospad, adzin Spadar — dla pravasłaŭnych, katolikaŭ, unijataŭ. Adzin — dla biełarusaŭ u Biełarusi j pa‑za jaje miežami. Heta adzinstva — Bohu j viery — i jość źmiestam i idejaj prapanujemaj knihi».
U zbornik uklučanyja pracy a. Ł. Haroški «Biełaruskija śviatary j relihijnyja dziejačy Biełarusi», «Praz navalnicy j niahody»; V. Panuceviča «Biełaruskaja aŭtakiefalnaja pravasłaŭnaja carkva»; A. Sałahuba «Aŭtakiefalija»; artykuł Zory Kipiel «Tradycyja Jeŭfrasińni Połackaj na emihracyi»; mastacki narys U. Hłybinnaha pra jahonaje padarožža ŭ 1966 h. u Jerusalim «Na śviatoj ziamli».
Drukujecca ŭ zborniku vybranaja biblijahrafija hazetaŭ «Baćkaŭščyna» i «Biełarus».
«Spadziajemsia, što heta publikacyja spryčynicca da ŭšanavańnia pamiaci ludziej — śvieckich i śviataroŭ, — jakija pryśviacili svajo žyćcio pašyreńniu Božaha Słova siarod biełarusaŭ, i da ŭmacavańnia idei carkoŭnaje j nacyjanalnaje jednaści biełaruskaha narodu, jednaści ŭ raznastajnaści, što jość padstavaj da dyjalohu pamiž biełarusami roznych kanfesij u duchu ŭzajemnaje pavahi i lubovi», — zaznačaje A. Lubič.
Zbornik «Adzin Hospad, adna viera, adzin Chrost» pryśviačajecca śvietłaj pamiaci Zory Kipiel —daślednicy, jakaja zrabiła vielmi šmat dla pašyreńnia i papularyzacyi biełarusiki za miažoj.
14 krasavika — čatyry hady, jak jaje niama z nami.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary