Milicyja: Zabity ŭ Minsku Šalikijani braŭ udzieł u pieradziele ŭłasnaści ŭ rasijskim naftabiźniesie

Uradženiec Hruzii, hramadzianin Rasii Bando Šalikijani, zabity ŭ Minsku 7 žniŭnia, apošnija niekalki hadoŭ braŭ udzieł u pieradziele ŭłasnaści ŭ Rasii ŭ śfiery naftavaha biźniesu,

Pavodle infarmacyi, jakaja majecca ŭ ich, Šalikijani maje dačynieńnie da rejdarskaha zachopu adnaho z rasijskich pradpryjemstvaŭ naftavaj pramysłovaści. Cana pytańnia składała niekalki miljonaŭ dołaraŭ.

Jak paviedamlałasia raniej, 7 žniŭnia kala 1.10 u dvary žyłoha doma № 31 pa vulicy Kuźmy Čornaha ŭ Minsku ŭ paciarpiełaha, 45-hadovaha hramadzianina Rasii, było zroblena niekalki strełaŭ, u tym liku ŭ hałavu, z ahniastrelnaj zbroi.

U SK nie vyklučyli, što va ŭčynieńni zabojstva brali ŭdzieł niekalki čałaviek. Adpracoŭvajucca ŭsie mahčymyja viersii złačynstva. Adna z asnoŭnych — zakaznoje zabojstva, źviazanaje z kryminalnymi razborkami.

Viečaram 8 žniŭnia ŭ prahramie «Panarama» telekanała «Biełaruś 1» viadučaja zajaviła, što zabojstva — vynik razborak mižnarodnych złačynnych hrup. Imia zabitaha — Bando Šalikijani, hramadzianin Rasii.

Nie takim kateharyčnym byŭ staršynia SK Valeryj Vakulčyk.

Jon paviedamiŭ, što Šalikijani abjaŭleny MUS Hruzii ŭ mižnarodny vyšuk pa abvinavačańni ŭ datyčnaści da s tvareńnia ŭzbrojenaj złačynnaj hrupoŭki i vymahalnictvie. «Hety hramadzianin byŭ źviazany z kryminalnym śvietam, i my nie vyklučajem, što mahli być i kryminalnyja razborki», — skazaŭ Vakulčyk.

Nahadajem, pra toje, što ŭ Minsku zabity eks-deputat parłamienta Hruzii, biźniesmien Bando Šalikijani i mužčyna, jaki jaho supravadžaŭ, dniom 7 žniŭnia paviedamili hruzinskija ŚMI. Infarmacyju pra druhoha zabitaha ŭ biełaruskich pravaachoŭnych orhanach abvierhli adrazu.

Jak paviedamiŭ partału «Novosti-Hruzija» były deputat hruzinskaha parłamienta Valeryj Hiełbachijani, jaki sustrakaŭsia z Šalikijani ŭ Biełarusi, kali niekalki hadoŭ žyŭ tam, «Šalikijani byŭ zastreleny kileram». «Ja ranicaj patelefanavaŭ maim siabram, jakija žyvuć u Minsku, i jany mnie paviedamili, što Šalikijani byŭ zabity kileram, inšyja abstaviny hibieli Šalikijani mnie nieviadomyja», — skazaŭ jon.

«Novosti-Hruzija» śćviardžaje, što «Šalikijani ličyŭsia najbolš upłyvovaj asobaj u rehijonie Imiereci (Zachodniaja Hruzija, najbujniejšy horad rehijona — Kutaisi).

5 sakavika 2004 hoda mažarytarny deputat parłamienta Hruzii ad Tkibuli Bando Šalikijani byŭ zatrymany padčas śpiecapieracyi. Pavodle źviestak palicyi, pry vobysku ŭ jaho domie była znojdzienaja ahniastrelnaja zbroja roznych vidaŭ. Šalikijani byli vystaŭlenyja abvinavačańni va ŭchileńni ad vypłaty padatkaŭ, u prysvajeńni čužoj majomaści i ŭ niezakonnym zachoŭvańni ahniastrelnaj zbroi.

22 lipienia 2004 hoda Šalikijani byŭ vyzvaleny z papiaredniaha źniavoleńnia. Jak tady paviedamili «Novosti-Hruzija» ŭ Hienieralnaj prakuratury, Bando Šalikijani pa ŭłasnaj voli pieradaŭ dziaržavie sanatoryj «Sairmie», jaki ŭvachodziŭ u jaho ŭłasnaść, a taksama dolu akcyj na aŭtazavodzie, elektramiechaničnym i traktarnym zavodach. Šalikijani taksama vypłaciŭ 280 tys. łary (190 tysiač dołaraŭ) u košt kampiensavańnia ŭronu, naniesienaha ŭ vyniku jaho dziejnaści dziaržavie.

• 0
• 0
• 0
• 0
• 0
• 0
• 0
• 0