Inicyjatyŭnaja hrupa lidara ruchu «Za Svabodu» Alaksandra Milinkieviča sabrała try tysiačy podpisaŭ, nieabchodnych dla jahonaj rehistracyi kandydatam ŭ deputaty.
Pra heta było paviedamlena padčas pres-kanfierencyi, praviedzienaj kala ŭniviersama «Pieršamajski» ŭ minskim mikrarajonie «Uručča», dzie mieściŭsia stały vuličny pikiet Milinkieviča.
Kiraŭnik inicyjatyŭnaj hrupy Juraś Mielaškievič zaznačyŭ: «My aceńvajem kampaniju jak zdavalniajučuju: vykanali i navat pieravykanali pakazčyki, zapłanavanyja na etapie zboru podpisaŭ. U vyniku hetaha zrazumieli, što zmahańnie za 50% budzie składanaj pracaj, jakuju nieabchodna raspačynać užo zaraz, bo ŭ nas vielmi mała času, kab zavajoŭvać davier ludziej».
Hałoŭny nabytak — mahčymaść pramoha kantaktu z vybarcami, miarkuje Alaksandr Milinkievič:
«Ja liču, što padčas hetaj kampanii vielmi važna źviarnucca da tych ludziej, jakija nie vierać ni ŭładzie, ni apazicyi, sami sabie navat nie vierać.Heta ŭłada vinavataja, što stan hramadstva taki rasčaravany i apatyčny, a reformy daviadziecca rabić. I kali bolšaść ludziej nie chočuć ni ŭ što vieryć — my musim stajać, my musim razmaŭlać i chadzić pa kvaterach. Ale kali b my voś hetak stali ŭ zvyčajny dzień, to my b užo siadzieli na Akreścina. Kab pajšli b pa kvaterach — było b toje ž samaje.
Tamu jość šaniec razmaŭlać ź ludźmi, pierakonvać ich — treba z hetaha karystać. My — za pieramieny — i na nas na ŭsich zaraz lažyć adkaznaść za zaŭtra krainy».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary